793
Буряад Уласай Засагай газарай Түрүүлэгшын орлогшын –Буряад Уласай Толгойлогшын болон Засагай газарай захиргаанай хүтэлбэрилэгшын уялга дүүргэгшээр Баир Цыренов томилогдобо. Энээн тухай тэрэ интернет худаһандаа бэшэһэн байна.
«Буряад Уласай Толгойлогшын захиргаанай хүтэлбэрилэгшын уялга дүүргэгшээр томилогдооб. Тиимэһээ Буряад Уласай Арадай Хуралай һунгамалай эрхэ найдал тушаабаб. Тиигэбэшье, хүндэтэ һунгагшад, би хододоо таанартаяаб», - гэжэ Баир Цыренов бэшэһэн байна.
Буряад Уласай Толгойлогшо Алексей Цыденов ноябриин 26-да Баир Цыренов захиргаанай хүтэлбэрилэгшын тушаал эзэлхэ гэжэ дуулгаһан байна гэжэ һануулнабди.
Энээнһээ урид Буряад Уласай Толгойлогшын захиргаанай хүтэлбэрилэгшын тушаал октябриин 3-һаа Пётр Носков эзэлжэ байгаа. Мүнөө Пётр Носков Толгойлогшын зүблэгшын тушаалда томилогдоо.
