858
Буряад Уласай Засагай газарай сайтһаа гэрэл зураг абтаба.
Ородой Холбоото Уласай Юрэнхылэгшэ Владимир Путинай зарлигаар хуби ниилүүлһэн нээмэл «Улаан-Үдын авиационно завод» бүлгэмэй захирал Леонид Белых «За заслуги перед Отечеством IV степени» гэһэн орденоор шагнагдаба.
2017 оной ноябриин хоёрто Ородой Холбоото Уласай Юрэнхылэгшэ Владимир Путинай абаһан тогтоолоор мүнөөдэр, декабриин 18-да, Буряад Уласай Толгойлогшо Алексей Цыденов Засагай газарай түсэблэлгын суглаанда Леонид Белыхтэ гүрэнэй шагнал барюулба. Үндэр шагнал Улаан-Үдын авиазоводой захиралда барюулхадаа, авиазавод хадаа уласай эдэй засагай һалбариин эгээл томо эмхи болоно гэжэ уласай хүтэлбэрилэгшэ тэмдэглэбэ.
«Шагнал бүхэниие хэхэ ажалайм уридшалһан шан гэжэ тоолоноб. Алексей Самбуевичтай хамта олон түсэбүүдые табинхайбди, тиимэһээ урагшаал дабшаха хэрэгтэй. Хойто жэлдэ хэхэ ажал ехэ, холын хараата түсэбүүд олон. Шагнал барюулһандатнай баяраа мэдүүлнэб, найдабарииетнай харюулхабди», - гэжэ Улаан-Үдын авиазаводой захирал баярай үгэнүүдые хэлэбэ.
