698
Буряад Уласта һурагшадай Бүхэроссиин олимпиадын уласай шата февралиин 22 болотор үнгэргэгдэхэ. Бүхыдөө энэ хэмжээ ябуулгада 1262 һурагшад хабаадаха юм.
Харин январиин 11-22-ой үдэрнүүдтэ Буряад Уласай бүхы аймагуудай һургуулинуудай 555 түлөөлэгшэд уласай шатын олмпиадада хаба шадалаа туршаад байна.
Январиин 11-13-най үдэрнүүдтэ Буряадай түүхэ, эрхэ, буряад, эвенк, француз хэлэнүүдээр олимпиада үнгэрөө. Январиин 15-20-ной үдэрнүүдтэ ород уран зохёол, физикэ, эдэй засаг, ород хэлэн, дэлхэйн уран һайханай соёл боло буряад уран зохёолоор һурагшад мүрысэһэн байна.
Эгээл олон хабаадагшад 131 хүн ород уран зохёолой олимпиадада хабаадаа. Буряад хэлээр 79 һурагшад эрдэм мэдэсэеэ шалгаһан байна. Ород хэлээр мүрысөөндэ 74 шабинар хаба шадалаа туршаба.
