​«Бэлигүүн толиин» шэнэ оршуулга

Январиин 13-да Д. Д. Заяевай нэ­рэмжэтэ “Даша Чойнхорлин” гэһэн буддын шажанай ехэ һургуулида дооромбо лама Эрдэни-Хайбзан Галшие­вай “Бэлигүүн толи” но­мой шэнэ оршуулга гурб­адахияа зүбшэн хэлсэгдээ. XXIV Бандида Хамба лама Дамба Аюшеев Буддын шажанай ехэ һургуулиин заагшадтай суг хамта энэ бүтээл оршуулаа юм.

Дооромбо лама Галши­ев (1855 – 1915) “Бэлигүүн толи” шастир бүтээхэдээ, Сакьяа римбүүшын болон Энэдхэгэй, Түбэдэй ба Мон­голой бусад гүн бодолтоной һургаалнууд дээрэ үндэлһэн байна. Тиигэжэ мянган жэшээнүүдһээ (һургаал зааһан ушар хөөрөөнүүдһээ) бүридэһэн ехэ бүтээл мүн- дэлөө.

“Тус шастирай шэнэ ор­шуулга зүбшэн хэлсэхын тула бидэ Ивалгын дасанда бүһэтэйшүүлые - һуурин га­зарнуудай түлөөлэгшэдые, эрдэмтэдые, багшанарые болон буряад хэлэеэ мэдэхэ ба бодол табижа, бодомжол­жо шадаха хүнүүдые ажа­байдалай сэдьхэлэй үндэр сахилгатай дээдын зорилгонуудые туйлахынь тула шастирай удха ойлгожо абаг гэжэ уряабди”, - гэжэ Хамба лама Дамба Аюшеев онсо­лон тэмдэглээ.

«Бэлигүүн толи» шастирһаа

146. Хүнэй хэнтэйш хөөрэлдэһэн бол зөөлэн абяагар хэлэ, бусадай орон ошобол өөрын нютаг шэнди ябадалтай мүн.

144. Бусадай улзаха үе до­тор хооһон байгаад омгоржо ехээр бү үйлдэ , хүн бэшээр үзэгдэжэ хубилһан мэтэ бу­садай мэдэлдэ энеэдэн мүн.

680. Шадалтай бол алаhан ба алахагүйн мяха­най зүйл бүхэниие эдихые бү үйлэдэ, энэрхы сэдьхэлэй үндэhэн илзарха гээд Ехэ хүлгэндэ (в Большой колес­нице) олон зарлиглаhан.

827. Өөрөө үйлэдэлдэ үнэн сээрлээд, алахые буса­дай захихаар бү үйлэдэ, да­адхалгаар хүн бусадые алаха үе тэрэниинь алагша юунэй түлөө бэшэ юм.

966. Умай тэнгэри ами­танда туhалхын тула эрдэни боди сэдьхэл дээдые үүсхэ, тэрэниинь гурбан сагай бүхы Бурхадта ябаха нэгэ­нэй мүр ехэ мүн.