877
Буряад Уласта февралиин 12-13-най үдэрнүүдтэ болбосоролой хангалгын байгууламжын хүгжэлтын талаар Ородой Холбоото Уласай Гүрэнэй Дүүмын болбосорол болон эрдэм ухаанай талаар хорооной нүүдэл суглаан үнгэргэгдэхэ юм.
Ородой Холбоото Уласай Гүрэнэй Дүүмын хорооной гэшүүд, Ород гүрэнэй можо нютагуудай Засагай газарай хуули тогтоолгын эмхиин һунгамалнууд болон болбосоролой һалбариин эмхинүүдэй түлөөлэгшэд Буряад Улас ерэхэ. Тэдэнэй тоодо, Ородой Холбоото Уласай Болбосоролой болон эрдэм ухаанай талаар хорооной түрүүлэгшэ Вячеслав Никонов, хорооной түрүүлэгшын орлогшо Геннадий Онищенко, Ород гүрэнэй болбосоролой һалбари хинадаг эмхиин хүтэлбэрилэгшын орлогшо Анзор Музаев энэ хэмжээ ябуулгада хабаадалсаха юм.
- Уласай болон нютагай засагай байгууламжын хэмжээндэ болбосоролой һалбариин хангалгын байгууламжа хуулиин талаһаа хангалгын болон бусад асуудалнуудаар зүбшэхэ, - гэжэ Ородой Холбоото Уласай Гүрэнэй Дүүмын болбосорол болон эрдэм ухаанай талаар хороондо тэмдэглэнэ.
Февралиин 12-то үнгэргэгдэхэ пленарна суглаанда Буряад Уласай Толгойлогшо Алексей Цыденов, Арадай Хуралай Түрүүлэгшэ Цырен-Даша Доржиев хабаадаха. Уласай болбосоролой һалбарида хангалгын байгууламжа эрхын, хуули тогтоолгын талаһаа гуримшуулгада шиидхэхэ асуудалнууд тухай Буряад Уласай болбосоролой болон эрдэм ухаанай сайд Баир Жалсанов элидхэхэ. Энэл үдэр дүхэриг шэрээнүүд үнгэргэгдэхэ.
Ородой Холбоото Уласай Гүрэнэй Дүүмын болбосорол болон эрдэм ухаанай хорооной нүүдэл суглаанда хабаадагшад «Алые паруса» гэһэн хүүгэдэй сэсэрлиг, Буряадай үндэһэтэнэй 1 дүгээр лицей-интернат, Байгалай аяншалгын колледж, Зүүн Сибириин технологиин болон хүтэлбэриин гүрэнэй ехэ һургуули, Буряадай гүрэнэй ехэ һургуули хүрэхэ түсэбтэй.
Тус хэмжээ ябуулга Ородой Холбоото Уласай Гүрэнэй Дүүмын болбосорол болон эрдэм ухаанай талаар хороон болон Буряад Уласай Арадай Хурал эмхидхэнэ.
Буряад Уласай Болбосоролой болон эрдэм ухаанай яаманай хэблэлэй албанһаа гэрэл зураг абтаба.
