744
Буряад Уласай Толгойлогшо Алексей Цыденов албанай хэрэгээр Ивалга аймаг гаража, Поселье һууринда амбулатори нээлгын бяар ёһололдо хабаадаба.
Ивалга аймагай Поселье һууринда 2017 оной туршада амбулатори баригдаһан байна. Тэрэнэй барилга болон хэрэгсэлнүүдээр хангаха хэрэгтэ уласай бюджетһээ 17,2 сая түхэриг гаргашалагдаа. Амбулатори нээлгын баяр ёһололдо уласай хүтэлбэрилэгшэ түргэн туһаламжын машина бэлэглэжэ, эмнэлгын газарта ажаһуугшадта һайн шанартай эмнэлгын туһа хүргэгдэхэ гэжэ тэмдэглэбэ.
Амбулаторидо терапевт, педиатр ажаһуугшадта эмнэлгын туһа хүргэхэ, акушерэй болон тарилга хэхэ кабинедүүд бии. Ажалай журамаар аймагай түбһөө мэргэжэлтэд ерэжэ, үендөө хүрөөгүй үхибүүд болон нарайлха эхэнэрнүүдтэ туһа хүргэхэ юм.
Мүнөөдэрэй байдалаар, поликлиникын энэ таһаг Поселье һууринай болон дүтэ оршодог дачын эблэрэлнүүдэй 8 мянганһаа дээшэ ажаһуугшадта эмнэлгын туһа хүргэдэг.
2018 ондо улас дотор 7 фельдшерскэ-акушерска пунктнууд болон амбулатори нээгдэхэ гэжэ түсэблэгдэнхэй. Энэ хэрэгтэ уласай бюджетһээ 80,7 сая түхэриг гаргашалагдаха юм. 2017 оной туршада 11 фельдшерскэ-акушерска пунктнууд болон нэгэ амбулатори баригдаһан байна. Энэ барилгада 70,4 сая түхэриг һомологдоо.
Буряад Уласай Толгойлогшо Ивалга аймагта албанай хэрэгүүдээ үргэлжэлүүлжэ, Хойто-Бэе нютагай соёлой-тамирай түб, Ивалгын 2 дугаар һургуулида хүрэхэ, аймагай ажаһуугшад болон залуушуултай уулзаха юм.
