897
Байгша оной февралиин 28-һаа мартын 2 болотор «Буряад Уласай эрхим һурагша - 2018» гэһэн уласай мүрысөөн Улаан-Үдэ хотын хүүгэдэй урлагай байшанда 13-дахияа эмхидхэгдэхэ. Энэ хэмжээ ябуулга Буряад Уласай байгуулагдаһаар 95 жэлэй ойн баярта зорюулагдана.
Буряад уласай эгээл эрхим, бэлиг талаантай һурагшадые элирүүлхэ, уласай һургуулинуудай дүй дүршэлөөрөө андалдаха, харилсаха ниитэ нэгэ оршон байгуулха зорилготой мүрысөөн эмхидхэгдэнэ. «Буряад Уласай эрхим һурагша - 2018» гэһэн мүрысөөнэй һургуулиин болон аймагуудай шатада илаһан 28 шабинар хаба шадалаа туршаха юм. Мүрысөөн 4 шатаһаа бүридэнэ. Түрүүшын шатада хабаадагшад дэмжэлгын бүлэгтэй хамта зохёохы танилсалга үнгэргэхэ. Хоёрдохи шатада «Мой труд вливается в труд моей республики» гэһэн зохёохы түсэл һурагшад хамгаалха. Удаадахи шатада «Калейдоскоп культур» гэһэн зохёон наадалга үнгэргэдэхэ юм. Мүрысөөнэй һүүлшын шатада «Формула успеха» гэһэн мастер-класс эмхидхэгдэхэ.
Буряад Уласай байгуулагдаһаар 95 жэлэй ойдо зорюулагдаһан «Буряад Уласай эрхим һурагша - 2018» гэһэн мүрысөөнэй хаалгын баяр ёһолол мартын 2-то Улаан-Үдэ хотын хүүгэдэй урлагай байшанда үнгэргэгдэхэ.
