811
Буряадай ниислэл хотодо Үдэ, Сэлэнгэ голнуудай эрье болбосон түхэлтэй болгохо талаар дизайн-түсэлнүүдэй мүрысөөн февралиин 28 болотор соносхогдоһон байна.
Мүрысөөндэ хабаадаха дуратайшуулһаа 22 түсэлнүүд ороһон байна. Энэ хэмжээ ябуулгада Буряад Уласай зохёохы бүлэгүүд, Москва, Киров, Томск хотын архитекторнууд ажалнуудаа дурадхаһан байна. Мүнөөдэр, мартын 2-то, мүрысөөнэй шүүгшэд эрхим гурбан түсэл элирүүлхэ юм. Удаань 2018 оной мартын 18-да эдэ түсэлнүүд олониитэдэ хэлсэгдэхэ гэжэ Буряад Уласай барилгын болон гэр байрын ажахы шэнэдхэлгын яаманда мэдээсэбэ.
Үдэ, Сэлэнгэ голнуудай эрье болбосон түхэлтэй болгохо талаар дизайн-түсэлнүүдэй мүрысөөн байгша оной январиин 15-да Буряад Уласай Толгойлогшо Алексей Цыденовэй үүсхэлээр эмхидхэгдээ гэжэ һануулнабди. Мүрысөөнэй шангай жаса 1сая 400 мянган түхэриг юм. Мүрысөөндэ илагшадые амаршалгын баяр ёһолол апрелиин 5-да үнгэргэгдэхэ.
Улаан-Үдын захиргаан тус мүрысөө эмхидхэжэ, Буряад Уласай барилгын яаман энэ талаар хэгдэхэ ажал хинана.
Буряад Уласай Засагай газарай хэблэлэй албанай гэрэл зураг
