​Хари гүрэнүүдэй аяншалагшадай тоогоор Буряад Улас Ород гүрэнэй 25 можо нютагуудай тоодо оруулагдаба

ТурСтат агентствын мэдээсэһэнэй ёһоор, үнгэрһэн жэлдэ Буряад Уласта 40 мянган хари гүрэнүүдэй аяншалагшад ерэһэн байна.

Хүршэ Эрхүү можодо 211 мянган хари гүрэнүүдэй аяншалагшад ябаа гэжэ агентствэдэ тэмдэглэнэ. Хари гүрэнүүдэй аяншалгадай тоо бүридхэһэн тобьёгто Москва, Санкт-Петербург хотонууд оруулагдаагүй. Эдэ хотонууд бүхэндэ 4 саяһаа дээшэ хари гүрэнэй түлөөлэгшэд аяншалһан байха юм.

Эгээл олон аяншалагшад Краснодарска хизаараар ябаһан байна (900 мянганһаа дээшэ), Примориин хизаарата (640 мяанган), Крым (500 мянганһаа дээшэ). Тиихэдэ Татарстан (278 мянган), Подмосковье шадар (230 мянган), Эрхүү можо (211 мянган), Владимирска можо (200 мянганһаа дээшэ), Ярославска можо (200 мянганһаа дээшэ), Ставрополье (100 мянган), Калининградска можо (100 мянган), Башкортостан (100 мянган) хүнүүд эдэ можонуудаар аяншалһан байна. 100 мянганһаа доошо хари гүрэнүүдэй аяншалагшад Амурска можо (95 мянган), Свердловско можо (80 мянганһаа дээшэ), Карели (80 мянганһаа дээшэ), Ростовско можо (60 мянганһаа дээшэ), Новгородско можо (55 мянганһаа дээшэ), Ленинградска можо (50 мянганһаа дээшэ), Тюмень можо (50 мянганһаа дээшэ), Челябинск можо ( 50 мянганһаа дээшэ), Хабаровска хизаар (50 мянган), Нижегородско можо (40 мянганһаа дээшэ), Самарска можо ( 40 тысяч мянганһаа дээшэ), Буряад Улас (40 мянганһаа дээшэ), Смоленскэ можо (33 мянганһаа дээшэ) болон Вологодско можо (30 мянганһаа дээшэ) ябаһан байна. Үнгэрһэн жэлдэ Ородой Холбоото Уласаар хари гүрэнүүдэй аяншалагшадай ябаһан тоогоор эдэ нютагууд 25 можонуудай тоодо оруулагдаба.