741
Буряад Уласай тоололгын албанай 2017 оной мэдээгээр, үйлэдбэрилэгдэһэн 1-дэхи категориин мяхан болон гэдэһэ доторой хэмжээн нёдондонойхиһоо 12,1 хубяар дээшэлһэн байна. Хизаарламал харюусалгатай «Петропавловский мясокомбинат», «Мясной дом Бурятии», хуби ниилүүлһэн «Свинокомплекс «Восточно-Сибирский» бүлгэмүүдтэ болон Буркоопсоюзай эмхинүүдтэ мяха үйлэдбэри дээшэлүүлэгдэһэн байна.
2017 оной декабрь һарада уласай суглаанда Буряад Уласай Толгойлогшо Алексей Цыденов мяха үүсэлэлгын эхин шатын буйлуулга хүгжөөхэ тухай тэмдэглэһэн байна. Оршон байдалда уласай 16 аймагуудта үүсэлэлгын 21 пункт ажалаа ябуулна. Эдэ пунктнууд «Меркурий» системээр хүдэлдэг. Тэрэнэй хэмжээндэ мяханай шанар элирхэйлһэн малай эмшэдэй электронно дансанууд үгтэдэг юм.
Һүүлэй жэлнүүдтэ Хяагта, Мухар-Шэбэр, Баргажан, Аха аймагуудта үүсэлэлгын пунктнууд баригдаа. Буряад Уласай хүдөө ажахын болон эдеэ хоолой яаман «2014-2016 онуудта Буряад Уласта мяханай үүлтэрэй мал ажахы хүгжөөлгэ» гэһэн программаар үйлэдбэринүүдтэ туһаламжа үзүүлһэн байна.
2017 ондо Буряад Уласта хүдөө ажахын хамтарал хүгжөөхэ талаар хони үүсэлэлгын эхин шатын буйлуулга эмхидхэн байгуулгада грант үгтэһэн байна. Мяха үүсэлэлгын энэ пункт Хэжэнгэ аймагта баригдаха юм.
Буряад Уласай холо оршодог Бабанта, Түнхэн, Ярууна аймагуудта үүсэлэлгын пункт байгуулха талаар хүдөө ажахын болон эдеэ хоолой яаман ажал ябуулна. Үүсэлэлгын пунктнуудай барилга Таможниин эблэлэй техническэ эрилтэнүүдтэ тааража, мяханай шанар дээшэлүүлэгдэнэ гэжэ тэмдэглэхэ хэрэгтэй.
Буряад Уласай эдеэ хоолой һалбарида мяха үйлэдбэри 70 хуби эзэлдэг.
