589
Буряадай һунгуулиин комиссиин түрүүлэгшэ Дмитрий Ивайловский Ородой Холбоото Уласай Юрэнхылэгшын һунгалта тухай хэлэбэ. Дмитрий Ивайловскиин хэлэһээр, улас дотор һунгуулиин газарнууд ажалаа эхилжэ, сагһаа урид һунгагшад элирүүлэгдээ.
- Хүнүүд эдэбхитэйгээр һунгалтада хабаадана. Тиихэдэ гомдол мэдүүлгэнүүд ороһон байна, тэдэ асуудалнуудаар ажал ябуулагдана. Һунгагшадай тобьёгоор асуудалнууд гарана. Ажаһуугшадай хаана һунгаха талаар ажал ябуулагдаа. Шиидхэхэ асуудалнууд гарана. Эрэмдэг бэетэй зон бүридхэлдэ оруулагданхай, тэдэнэр булта һунгаха байха. Улаан-Үдэдэ һунгуулиин бюллетень тоолохо 90 хэрэгсэл бии. Тэдэ аша үрэтэйгөөр хэрэглэгдэнэ, тиимэһээ һунгалтын дүнгүүд түргэн согсологдохо. Һунгуулиин газарнуудта бодолгын намуудай, юрэнхылэгшын тушаалда зууршалагшадй түлөөлэгшэд бии. Үдэшын 20 сагта һунгуулиин газарнууд хаагдажа, һүниин 12 гү, али 1 саг болотор дүнгүүдые согсолхо түсэбтэйбди. Мартын 20 болотор ороһон бүхы гомдол, мэдүүлгэнүүдые хаража үзэжэ, шиидхэбэринүүдые абаха ёһотойбди. Мартын 21-дэ бүхы мэдээсэл Түбэй һунгуулиин газар дамжуулхабди, - гэжэ Дмитрий Ивайловский хэлэбэ.
