653
Буряад Уласта Ород гүрэнэй бусад можо нютагуудтал Юрэнхылэгшын һунгалта үргэлжэлһөөр. Буряадта үнгэргэгдэжэ байһан һунгалта тухай олониитын ажал ябуулагшад һанамжаараа хубаалдаба.
- Би һнугалтада хабаадаад байнаб, һунгалтын яажа эмхидхэгдэнхэйб, һунгуулиин газарнууд ажалаа яажа ябуулнаб гэжэ һайхашаагдаа. Мүнөөдэр һайндэр гэжэ ойлгохоор. Һунгалтад хуули хазагайруулһан ушар үгы, хамаг үйлэ хэрэг үнэнэ сэхээр, далда нюсагүйгөөр үнгэргэгдэнэ. Һунгалта хадаа хэгдэһэн ехэ ажалай дүн болоно ха юм. Уласай ажаһуугшадай эдэбхитэй хабадахадань, ехэ урматай байгдана. Гүрэн түрын байдал һайн тээшэнь хубилгаха гэжэ хүнүүд хүсэлтэй байна ха юм. Бүхы үйлэ хэрэг уласай шэнэ хүтэлбэридэ этигэһэнэй тэмдэг болоно. Тиихэдэ Буряадай бодолгын намууд эдэбхитэйгээр хүдэлжэ, улас дотор боложо байһан хубилалтануудые дэмжэхэ саг ерээ гэжэ һананаб, - гэжэ олониитын ажал ябуулагша Андрей Бородин хэлэбэ.
Ородой Холбоото Уласай Юрэнхылэгшын һунгалта тухай тэргээр ябадаг, эрэмдэг бэетэй зоной түрүүлэгшэ Сергей Колодюк ажаһуугшадай эдэбхитэй хабаадаһандань баяраа мэдүүлнэ.
- Бидэ эрхэтэдэй уялга дүүргэжэ, байра дээрээ тогтонгүй, зүб мүрөө шэлэхэ ёһотойбди, - гэжэ Сергей Колодюк тэмдэглэбэ.
