​Һунгалта – 2018

Анна Огороднигой гэрэл зураг

Бэшүүр аймагай Шэбэртын сомондо һунгуулиин хоёр участогта – Шэбэртэдэ (№ 86) болон Даба­атада (№ 87) - Ородой Холбоото Уласай Юрэн­хылэгшын һунгалта эбтэй эетэйгээр эмхидхэжэ, һунгуулиин комиссиин гэшүүд, волонтёрнууд ехэ ажал ябуулаа.

Энэ дэмбэрэлтэй үдэртэ Шэбэртын участогай һунгуулиин комиссиин түрүүлэгшэ Эржена Цыремпилова, Дабаатын – Нина Намдыкова һайнаар хүдэлөө. Нютагай аха захатан Нандык Номогонович Очиров, Анна Санжиевна Ширипова, Тамара Лаврентьевна Мякотина гэгшэд залуушуулда жэшээ харуулаа. Эгээл түрүүшынхиеэ һунгалтада хабаадаха залуу Эдгар Демин, Павел Лыков, Ольга Фалилеева, Валерия До­ржиева, Валерия Уралева, Александра Цыдыпова, Алтана Цыдыпова ба Сарана Цыдыпова аха захатанһаа хожомдонгүй ерэжэ, эрхэтэн уялгаяа һайнаар дүүргэнэбди гэжэ харуулаа.

Шэбэртэ ба Дабаатада хамта 604 хүн дуугаа үгөө. Энэнь нютагай зоной 86 хуби болоно. Харин Дабаатые амяарань абажа харахада, 96,4 хуби зон һунгаа юм.

Ородой Холбоото Уласай Юрэнхылэгшын һунгалтын дүнгүүд иимэ: Дабаатада - В.В. Путинда – 83,3%; П.Н. Гру­дининда – 13%; В.В. Жириновскодо – 3,8%; Шэбэртэдэ - В.В. Путинда – 80%; П.Н. Грудининда – 13,6%; В.В.Жириновскодо – 3,6%.

Бүхыдөө сомондо: В.В. Путинда – 80%; П.Н. Грудининда – 13,6%; В.В.Жириновскиидо – 3,6%.

Һунгалтын үедэ Шэбэртын һургуулиин танхим соо уран һайханай “Аянга” бүлгэмые даагша, Буряадай габьяата баг­ша Сэржэн Эрдынеева, суг ажалладаг Баярма Содномова, Туяна Эрдынеева ехэ һайн тоглолто харуулжа, һунгагшадые баярлуулаа.

Һунгалтада ерэһэн зониие Шэбэртын эмнэлгын газарай мэргэжэлтэд һайнаар үзэжэ, туһатай зүбшөөл заабаринуу­дые үгөө.

Шэбэртын сомон дарга Цырен-Дондок Шоймполов һунгуулиин комиссиин гэшүүдтэ, волонтёрнуудта, артист­нарта, һунгалтада ерэһэн нютагай зондо ехэ һайниие хүсэжэ, энэл зандаа элүүр энхэ, эдэбхитэй ябыт даа гэжэ хандаа.

Цырендондок ЗАНДРАЕВ