784
Үнгэрһэн амаралтын үдэрнүүдтэ Буряад Уласай Баргажан, Ярууна, Кабанск, Хурамхаан, Тарбагатай, Ивалга, Хори аймагуудай дэбисхэртэ ойн 11 түймэрнүүдд гараһан байна. Тэдэнэй 7-ниинь унтарааагдажа, 3-ниинь унтараагдаһаар. Апрелиин 23-най 0.00 сагай мэдээсэлээр, Ярууна аймагта гараһан түймэр сарагдана, саашаа һүжэрхөө болиһон гурбан түймэрнүүд унтараагдажа байна.
Түймэрэй аюултай хаһын эхилһэнһээ хойшо Буряад уласта 520 га талмайда ойн 47 түймэрэй гараһан тухай бүридхэлдэ абтаа. 2017 оной энэл хаһада 43 мянган шахуу га талмайда гараһан ойн 75 түймэр гараа гэжэ бүридхэлдэ абтаһан байна.
Байгша оной апрелиин 16-һаа Буряад Уласай Хойто-Байгалай аймагһаа бэшэ дэбисхэртэ түймэрэй аюултай хаһын онсо байдал соносхогдонхой гэжэ һануулнабди. Түймэрэй аюултай хаһын үедэ түүдэг носоохо, хагда ногоо, бог шорой галдаха хоригдоно. Эдэ дүримүүдтэ хайша хэрэгээр хандаһан эрхэтэд 4 мянганһаа 5 мянган хүрэтэр, харюусалгата нюурнууд – 20 мянганһаа 4- мянган хүрэтэр, юридическа нюурнууд – 300 мянганһаа 500 мянган хүрэтэр захиргаанай ялада тохогдохо юм.
Түймэрэй гараһантухай дүтын ойн ажахыда гү, дүтын ойн ажахыда гү, али (83012) 20-44-44 гэһэн утаһаар дуулгыт гэжэ ойн харуулшад уряална.
