1076
Ородой Холбоото Уласай Юрэнхылэгшын грантда хүртэхэ мүрысөөндэ илагша 100 эмхинүүдэй тоодо Буряад Уласай Сэлэнгэ аймагай Гусиноозёрск хотын «Шахтер» гэһэн соёлой байшан оробо. Энэ мүрысөөн соёл, урлагай һалбарида үндэһэтэ арадуудта удха шанартай зохёохы түсэлнүүдые дэмжэхэ зорилготой юм.
Грантда шүүһэн мүнгэнэй ашаар «Шахтер» соёлой байшанай хүдэлмэрилэгшэд «Мелодии в степи или как оживают забытые традиции» гэһэн Бүгэдэ Буряадай үндэһэн соёлой хуралдаа үнгэргэхэ юм. Хуралдаанда Сэлэнгэ аймагай һомонуудай болон Гусиноозёрск хотын түлөөлэгшэд хабаадаха. Хуралдаанай зорилго хадаа уласай үндэһэн соёлой баялиг сахин хүгжөөхэ болоно. Тус хэмжээ ябуулгада театрай нааданууд харуулагдажа, мастер-классууд үнгэргэгдэхэ. Хуралдаан «Великие мелодии – великой степи» гэһэн тоглолтоор түгэсэхэ.
