1219
Буряад Уласай Арадай Хуралай можонууд хоорондын холбоонуудай, үндэһэ яһатанай асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй хороондо үсөөн тоото үндэһэн арадуудай омоли загаһа бариха зүбшөөлэй талаар суглаан үнгэргэгдэбэ.
- Буряад Уласай хойто аймагуудаар ябахада, омоли загаһа бариха талаар эвенк арадуудай эрхэ хаһагдана гэһэн гомдол ажаһуугшадһаа ороһон байна, - гэжэ хорооной түрүүлэгшэ Цыденжап Батуев хэлэбэ.
Омоли загаһа бариха хорюул 2017 оной октябриин 1-һээ хуулиин хүсэндэ ороһон байна гэжэ һануулнабди. Тиихэдэ Хойто зүгэй үсөөн тоото арадуудта загаһа бариха зүбшөөл үгтэһэн юм.
- Хотой зүгэй үсөөн тоото үндэһэн арадууд 55 тонно загаһа бариха зүбүшөөлтэй. Тиихэдэ үнгэрһэн жэлдэ 106 тонно загаһа бариха зүбшөөл бүхы үйлэдбэринүүдтэ үгтэһэн юм, - гэжэ Буряад Уласай хүдөө ажааын болон эдеэ хоолой сайдай орлогшо Пётр Брыков тэмдэглэбэ.
Тэрэшэлэн хаб загаһа болон бусад загаһа бариха зүбшөөлнүүд бии юм. Хойто-Байгалай аймагтай мянганһаа дээшэ зон ажаһуудаг, тэдэндэ загаһа бариха хэмжээн хүрэхэ гэжэ һанахаар. Теэд үсөөн тоото үндэһэн арадуудай эблэлэй Хойто-Байгалай таһагай түрүүлэгшэ Галина Роговагай хэлэһээр, загаһа тусхай газарнуудта бариха ёһотой юм. Энэ хизаарлалтада загаһа бариха бүхы дуратайшуул ороно. Загаһа бариха тусхай 41 газар худалдаанай ашаар элирүүлэгдээ, тиихэдэ тэдэнэй оройдоо 4-дэнь лэ загаһа бариха юм. Загаһа бариха тусхай газар хубаарилангүй, хуушан аргаараа байбалнь зохихо гэжэ Галина Рогова һанамжална. Тиигэхын тула Ородой Холбоото Уласай Хүдөө ажахын яаманай баталһан загаһа бариха дүримүүдтэ хубилалтануудые оруулха хэрэгтэй.
Эндэ үшөө нэгэ асрсалдаата асуудал гарана. Эвенк арадуудта загаһа барилга хадаа хэр угһаа хойшо ажабайдалайнь таһаршагүй хуби, тиимэһээ заншалта ажаябуулгаяа үргэлжэлүүлхэ байха гэжэ загаһа бариха зүбшөөл үгтэнэ. Энэнь хадаа олзо олохог ү, алт ниигэмэй тэдхэмжэ бэшэ гэжэ ойлгохо шухала. Тиихэдэ ямар аргаар загаһа барихаб, гүльмэ хадаа заншалта ёһоор загаһа бариха арга болоно гү гэжэ шиидэхэ хэрэгтэй.
- Эвенк арад Ородой Холбоото Уласай эрхэтэд. Тэдэнэр загаһа дуратай газартаа бариха хүсэлтэй, теэд омоли загаһанай хомор болоһон ушарһаа хизаарлалта оруулагдана. Энэ хизаарлалта үсөөн тоото үндэһэн арадуудта баһал хабаатай, - гэжэ Пётр Брыков тэмдэглэбэ.
Эдэ асуудалнуудай зарим хубинь федеральна засаг зургаанда хабаатай, нүгөө зариманиинь уласай мэдэлэй. Тиимэһээ тэдэнэй шиидхэлгэ орёо болоно. Буряадтахи ахамад федеральна инспектор Сергей Ромахин Буряадта оршодог федеральна засаг зургаанай хүтэлбэрилэгшэдтэй суглааүнгэргэхэ тухай хэлэбэ. Саашадаа энэ асуудал тэрэ өөрынгөө хиналта доро абаха юм.
