​Эхэ байгаалияа аршалан хамгаална

Ага тойрогой Алханын дунда һургуулида “Алхана­яа аршалан хамгаалая” гэһэн байгаалиин эдир хамгаалагшадай һургуули үнгэрөө. Энэ хэмжээн 15-дахияа эмхидхэгдэбэ.

Мүнөө жэлэй һуралсалда Дулдарга аймагай 7 һургуулиин 75 үхибүүд ха­баадаа. Эндэ оршон той­ронхи байгаали аршалан хамгаалдаг ёһотойл экологууд суглардаг. Үхибүүд байгаали хамгаалга, арадай уг гарбал болон һуудал бай­дал шэнжэлэлгэ, мүн тиихэ­дэ соёл шудлал гээд, гурбан шэглэлээр хүдэлдэг.

Эхиндэнь заочно түхэлөөр олимпиада үнгэрдэг юм. “Орон дайдаяа түүрээнэб” гэһэн байгаали хамгаалгын түсэлнүүдэй заншалта фестиваль үнгэргэгдэжэ, үхибүүд ехэ эдэбхитэйгээр хабаададаг. Аршаантай, буянтай бур­хантай “Алхана” уулаяа ар­шалан хамгаалгада үхибүүд хара багаһаа хабаадуулаг­дадаг. Тэдэ айлшаар бууһан аяншалагшадай, амарагша­дай дунда Эхэ байгаалияа хамгаалха тухай ойлгуулам­жын ажал ябуулдаг.