1066
Үнгэрһэн үдэрэй туршада Буряад Уласай Кабанск, Бабанта болон Тарбагатай аймагуудай дэбисхэр дээрэ гараһан ойн түмэрнүүд унтараагдаба. Галда абтаһан газарай талмай 17 га тухай болоһон байна. Майн 8-да Буряад Уласта түймэрэй гараһан тухай мэдээн бүридхэлдэ абтаагүй гэжэ Ойн ажахын агентство мэдээсэнэ.
Буряад Уласта түймэрэй аюултай хаһын эхилһэнһэээ хойшо 6,6 мянган га талмайда гараһан 122 түймэр унтараагдаа. 2017 оной майн 8-най мэдээгээр, 112,5 мянган га талмайда 182 түймэр гараһан байна.
Буряад Уласта түймэрэй аюултай хаһын онсо байдал соносхогдонхой. Онсо байдалай үедэ ойдо орохо, хагда, бог шорой галдаха, түүдэг носоохо хоригдоно. Эдэ дүримүүдтэ хайша хэрэгээр хандабал, ажаһуугшад 4 мянгаһаа 5 мянган түхэриг хүрэтэр, албанай түлөөлэгшэд – 20 000-һаа 40000 түхэриг хүрэтэр, юридическэ нюурнууд – 300 мянганһаа 500 мянган түхэриг хүрэтэр ялада тохогдохо юм.
Түймэрэй гараһан тухай дүтын ойн ажахын албанда гү, али (83012) 20-44-44 гэһэн утаһаар дуулгажа байгыт гэжэ ойн харуулшад мэдүүлнэ.
Анна Огороднигой гэрэл зураг
