939
Үглөөдэр үнгэргэгдэхэ Буряад Уласай Арадай Хуралай ээлжээтэ бэшэ сессидэ зургаадахи зарлалай һунгамалнуудые һунгаха үдэр элирүүлэгдэхэ.
Тиихэдэ Виктор Абушеев сагһаа урид һунгамалай бүрин эрхэ тушаажа, энээнһээ уламжалан Арадай Хуралай Зүблэлэй бүридэлдэ болон бюджедэй хороондо хубилалтанууд оруулагдаха юм.
Буряад Уласай «Буряад Уласай Арадай Хуралай һунгамалнуудай һунгалта тухай» гээһн хуулида хубилалтануудые оруулха хуулиин түсэлөөр хэлсэхэ гэжэ түсэблэгдэнхэй.
Буряад Уласай парламентын гэшүүн Виктор Абушеевтэ абтаһан гэмнэлгын шиидхэбэри хуулиин хүсэндэ орожо, тэрэ тушаалаа тушааба. Байгша оной март һарада Виктор Абушеев Ородой Холбоото Уласай Гэмтэ ябадалай кодексын 159-дэхи статьягай 4-дэхи хубяар гэмтэй гэжэ шиидхэбэри абтаа гэжэ һануулнабди.
