871
Байгша оной июниин 5-най 0.00 сагта Буряад Уласай Кабанск, Сэлэнгэ, Байгал шадарай аймагуудай газарнуудаар хамтадаа 600 гектарта ойн 5 түймэр сараха талаар ажал ябуулагдаа. Тиихэдэ 2 түймэр унтараагдаһан байна. Сэлэнгэаймагта Ородой Холбоото Уласай Баталан хамгаалгын яаманай газарнууд дээрэ ойн түймэр дэлгэрhэн зандаа. Тиин үдэрэй дүнгүүдээр 300 гектарта ойн талмайгараа гэжэ бүридхэлдэ абтаа.
Үнгэрһэн үдэрэй туршада Улаан-Үдэ хото шадар 1 гектар талмайда гараһан түймэр усадхагдаба. Мүн Түнхэнэй дархан газарта 45 гектар талмайда ойн түймэр сарагдаа.
Бүхыдөө ойн түймэрые саралгын ажалда ойн харуулай ба Үбэр Байгалай ойн харуулай авиациин баазын парашютистнар-түймэр сарагшад, ой ашаглагшад, Онсо байдалай талаар яаманай хүдэлмэрилэгшэд, хамтадаа 300 хүн хүдэлөө.
Тиихэдэ замбуулинһаа шалгалта хэдэг «ИСДМ-Рослесхоз» гэһэн программын мэдээсэлээр,Бабанта аймагай шалгалтын бүhэлүүртэ 10 газарта түймэр ажаглалгада абтанхай. Онсо байдалай талаар яаманай аюул тодхор усадхалгын албанда тэдэ газарнууд дүтэ оршодог нютагуудай ажабайдалда hаад үзүүлхэгүй гэһэн шиидхэбэри абтаа.
Галда хайша хэрэгээр хандаһанһаа боложо, ойн түймэрнүүд гарана гэжэ тэмдэглэлтэй.
Мүнөө дээрээ 19,7 мянган гектар газарта ойн 217 түймэр гараһан байна. Үнгэрһэн жэлэй энэл сагай мэдээсэлээр,120,4 мянган гектар талмайда ойн 265 түймэр һүжэрөө гэжэ бүридхэлдэ абтаа.
Буряад Уласта түймэрэй аюултай хаһын онсо гурим соносхогдонхой. Онсо гуримай үедэ эдэ дүримүүдтэ хайша хэрэгээр хандабал, захиргаанай ялада тохогдохо юм. Эрхэтэд 4 мянганhаа 5 мянган түхэриг хүрэтэр, албанай түлөөлэгшэд 20 мянганhаа 40 мянган түхэриг хүрэтэр, хуули эрхын түлөөлэгшэд 300 мянганhаа 500 мянган түхэриг хүрэтэр ялада тохогдохо.
Түймэрэй гараһан тухай дүтын ойн ажахыда гү, али 8 (3012) 20-44-44 гэһэн утаһаар дуулгыт гэжэ ойн харуулшад ажаһуугшадта хандана.
