696
Байгша оной июниин 6-да Ород хэлэнэй үдэр болон мэдээжэ ирагуу найрагша Александр Сергеевич Пушкинай түрэһэн үдэртэ дашарамдуулан «Пушкинай диктант» гэһэн олониитын акци үнгэргэгдэхэ. Тус хэмжээ ябуулга Москвагай гүрэнэй багшанарай ехэ һургуули болон Бүхэроссиин «Ород хэлэн болон уран зохёолой багшанарай эблэл» эмхидхэнэ.
Буряад Уласай Ивалга, Захаамин, Бабанта, Тарбагатай, Хэжэнгэ, Загарай, Бэшүүр аймагуудай һургуулинуудай болон Буряадай гүрэнэй ехэ һургуулиин түлөөлэгшэд диктант бэшэлгэдэ хабаадаха. Тиихэдэ бүхэроссиин хэмжээ ябуулгада «Ород хэлэн болон уран зохёолой багшанарай эблэлэй» Буряадтахи таһагай гэшүүд Софья Владимировна Васильевагай хүтэлбэри доро хабаадалсаха юм.
2018 оной «Пушкинай диктант» гэһэн хэмжээ ябуулга «Пушкин в мире поэзии и поэтов» («И славен буду я, доколь в подлунном мире Жив будет хоть один пиит») гэһэн сэдэбээр үнгэргэгдэнэ.
2018 оной июниин 17 болотор диктантын дүнгүүдые хэмжээ ябуулга эмхидхэгшэд ua.rubtcov@mpgu.edu гэһэн хаягаар дамжуулха юм.
