1141
“Байкальская добровольная пожарная охрана” (“Байгалай һайн дуранай ойн түймэрэй хамгаалга”) гэһэн Ородой Холбоото уласай юрэнхылэгшын грант Буряад уласта бэелүүлэгдэнэ. Энэ грантаар Кабанск аймагта июниин 15-һаа эхилээд июниин 17 хүрэтэр һайн дуранай ойн түймэршэдэй түрүүшын һуралсал үнгэрнэ.
Ойн ба торфяной түймэр сарахын ажалда эндэ һургаха. Кабанск аймагай түрүүшын ээлжээнэй уһалалгын ба хатаалгын системэ татагданхай газарта энэ зунай һуралсал хэгдэнэ.
Ниислэл Улаан-Үдэ хотын, Ивалга, Баргажан, Тарбагатай, Хори, Сэлэнгэ, Байгал шадар, Кабанск аймагуудай “Байгалай һайн дуранай ойн түймэрэй хамгаалга” гэһэн һомоной 30 бүрилдэлгэнүүдэй хабаадагшад хэмжээ ябуулгада суглараа.
Эрхүү можын Шелехов аймагай түлөөлэгшэд болон Буряадай гүрэнэй хүдөө ажахын академиин, аяншалгын ба хангалгын албанай Байгалай колледжын оюутад һуралсал гараха.
Һуралсалай хэшээлнүүдтэ байгаалиин түймэрэй янзануудые ойлгуулха. Түймэр саралгын ажал тухай хэлэгдэхэ. Техникэтэй хабаадагшадые танилсуулха.
Радиостанци ба навигатортай хүдэлжэ һургаха. Хуули ёһонуудтай танилсуулха. Түрүүшын аргын туһаламжа хэжэ һургаха.
һайн дуранай ойн түймэршэд Буряад Уласай гүрэнэй түймэр саралгын албантай, МЧС-тэй, Кабанск аймагай захиргаанай түлөөлэгшэдтэй суг хамта торфяной түймэрэй үлэгдэлнүүдые сарахын ажалнуудта шэнэ эрдэм мэдэсэеэ шалгангаа хабаадаха.
“Гринпис России” гэһэн түймэр саралгын таһагай хүтэлэгшэ Григорий Куксин, “Добровольные лесные пожарные. Центральный регион” гэһэн һайн дуранай ойн түймэршэдэй хүдэлөөнэй хүтэлэгшэ Дарья Калинина һуралсалай хэшээлнүүдые үнгэргэнэд.
Байгалай һайн дуранай корпус юрэнхылэгшын грантын мүнгөөр хашагай үбшэнһөө һэргылэлгын тарилга хэхэ, түймэр саралгын ажал хүдэлмэридэ хубсаһа, гутал үгэхэ.
Һуралсал дүүргэгшэдэй нэрэнүүд Буряад уласай МЧС-эй һайн дуранай ойн түймэршэдые тоолоһон дансада (реестр) оруулагдана.
Ородой уласай хуули ёһоор эдэ эрхэтэд түлеэ абаха аргатай болоно. Тиин хорой соохиёо барилгын ой модондо хүртэхэ.
Хэмжээ ябуулга тухай мэдээсэл иимэ утаһаар хонходожо асуухада болоно: 8-924-650-08-00.
