778
Байгша оной июниин 18-да хари хэлэнүүдэй болон биологиин шалгалтын ЕГЭ үнгэрбэ.
Энэ шалгалтада 1235 хүн хабаадаа. ЕГЭ үнгэргэхын түлөө шалгалтын 34 пунктнууд нээгдэбэ. Биологиин шалгалтын хүдэлмэри 2 таһагһаа бүридөөд, 28 даабаритай байгаа.
Тэрэнэй дүүргэлтэдэ 210 минута (3,5 час) үгтэбэ. Биологи шалгалтын һайн балл 36 гээд хэлэгдэнхэй.
Хари хэлэнүүдэй бэшэмэл шалгалтада 393 хүн хабаадаба. Тэдэнэрэй 387 һурагша англи хэлэ тушаагаа, 6-ниинь немец хэлэ. Хари хэлэнүүдэй шалгалтын хүдэлмэри 4 таһагһаа бүридэжэ, 40 даабаритай байгаа. Шалгалтын хүдэлмэри һурагша 3 часай туршада хэхэ аргатай байгаа. Хари хэлэнүүдээр сээжээр шалгалта һурагшад июниин 9-дэ, 13-да тушааһан байна.
Буряад Уласай болбосоролой болон эрдэмэй яаманай болбосоролой һалбарида харууһанай ба хиналгын талаар хорооной мэргэжэлтэд ба олониитын ажаглагшад шалгалта шалгаба. Бүхы шалгалтын пунктнуудта видео-харалганууд хэрэглэгдээ.
Биологиин шалгалтын дүнгүүдые хабаадагшад июлиин 4-дэ мэдэхэ, хари хэлэнүүдээр – июлиин 5-да.
