788
Буряад уласай болбосоролой болон эрдэмэй яаманай гэрэл зураг
Байгша оной июниин 18-да истори болон хими хоёроор ЕГЭ шалгалтын дүнгүүдые согсолоо. Тиимэһээ историдо 5 дүүргэгшэд 100 балл абаа. Нэгэл һурагша хими 100 баалтайгаар тушааба.
“Дүүргэгшэдые, эхэ эсэгыень болон багшанарые шалгалтын һайн дүнгүүдээр амаршалая. Түрүүшынхиеэ Буряад уласта истори 5 хүн 100 баллтайгаар тушааба”, - гээд Буряад уласай болбосоролой болон эрдэмэй яаманай сайд Баир Жалсанов тэмдэглээ.
Улаан-Үдын 32-дохи һургуули дүүргэгшэ Ирина Фёдоровагай хэлэһээр, шалгалтын даабаринууд һонирхолтой байгаа. Тэрэ шалгалтада бэлдэхэдээ нэмэлтэ литература уншаа, гүнзэгыгөөр предмедээ шудалаа, ехээр бэлдэһэн байна.
“Би шалгалтаяа тушаагааб гээд дүнгүүдээ мэдэхэдээ мэдэрээб. Аргын дээдэ һургуулида ороходом шалгалтын дүнгүүд туһатай байха”, - гээд Ирина бодолнуудтаяа хубаалдаа.
Июниин 4-дэ истори болон хими хоёроор шалгалта үнгэрөө. Шалгалтын хүдэлмэри 35 даабариһаа бүридэбэ. Тэрэ 3,5 саг соо бүтээгдэхэ ёһотой байгаа.
ЕГЭ-2018 он үргэлжэлһөөр, һургуули дүүргэгшэд шалгалтаяа тушаана.
