​​Нютагай түүхэ һургуулитай холбоотой

Авторай гэрэл зурагууд

Шэмхэ һууринай һургуули ганса нютагайнгаа бэшэ, бүхы уласайнгаа болон гүрэн түрынгөө түүхэтэй нягта холбоотой юм. Энээниие һая хэ­блэгдэжэ гараһан ном гэршэлнэ.

Мүнөө Шэмхын интернат-һургуули аяар 148 жэ­лэйнгээ ойн баяр тэмдэглэнэ. Гурбан жэлэй саана һургуулиин түүхэ тухай ном гаргаха дурадхал ороһон байгаа. Тиигэжэ һуралсалай гуламтын захирал Мария Борисовна Парпаева энэ хэрэг бэелүүлхэ гэжэ орол­доо. Хоёр жэлэй туршада тус номдо орохо зохёолнууд, үгүүлэлнүүд суглуулагдаа.

Нютаг зоной түүхэ шэн­жэлэгшэдэй тэмдэглэһээр, Шэмхэ һууринай түүхэ һургуулитаяа нягта холбо­отой. Нютагай бүхы данса­нууд “Хүдөөгэй һургуули – Ород гүрэнэй найдал” гэһэн гаршагтай тус ном соо оруу­лагдаа.

- Манай ном хэдэн бүлэгһөө бүридэһэн байна. Нэн түрүүн Шэмхэ һууринай түүхэ нэгэдэхи бүлэгтэ үгтөө. Удаань Шэмхын һургуулиин 145 жэлэй байра байдал тухай хөөрэнэбди. Тии­гэжэ һуралсалай гуламта хүтэлбэрилжэ ябаһан за­хиралнуудаа, мүн багшана­раа мартахагүйн тула тусхай бүлэг оруулагдаа. Түрэл һургуулияа һайнаар дүүргэжэ, саашадаа холо ойгуур суурхуулжа ябаһан шабинар тухай мэдээсэл заал һаа ороо ааб даа, - гэжэ 2015 онһоо хойшо Шэмхын интернат-һургуули хүтэлбэрилжэ байһан Мария Парпаева хөөрэнэ.

Номтой танилсалгын хэмжээ ябуулга Түнхэн ай­магай захиргаанай байшан соо үнгэргэгдөө. Удаань айл­шад Шэмхэ һуурин хүрэжэ, һургуулиин байра байдал­тай, нютагай зоной болон һурагшадай бэлиг шадаба­ритай танилсаа.

Шэнэ номтой танилсуул­гын баяр ёһололдо олон жэл­дэ хүдэлһэн захиралнуудай, багшанарай хабаадаһаниинь һайшаалтай.

Түнхэн аймагай засаг даргын уялгануудые саг зуура дүүргэгшэ Вячеслав Цы­бикжапов амаршалгын үгэ хэлэхэдээ, түүхэ тухай ному­уд ямаршье сагта хэрэгтэй, шэмхынхид буянтай хэрэг бүтээбэ гэжэ тэмдэглээ.

Буряад Уласай Болбо­соролой болон эрдэм ухаа­най яаманай таһагые дааг­ша Доржо Фролов һайхан үгэнүүдээр амаршалжа, ном зохёогшодые баярлуулаа. Мүн тиихэдэ Буряад һургуулинуудай эблэлэй хүтэлбэрилэгшэ Баяр Ши­раповай хэлэһээр, һургуули бүхэн иимэ түүхын номтой байбал, һайн һэн.

- Мүнөө үедэ нюта­гайнгаа, уг гарбалайнгаа, элинсэг хулинсагуудайн­гаа түүхэ мэдэжэ ябаха саг ерэнхэй. Тиимэһээ Шэмхын һургуулиинхидай иимэ хэ­рэгтэй, туһатай, сэнтэй, мүн гоёшье ном хэблээд байха­дань, бүхы һургуулинуудта жэшээ боложо үгэнэ, - гэжэ Баяр Ширапов онсолон тэм­дэглээд, Баярай бэшэг барю­улаа.

Шэнэ номой хуудаһануудые иража, Шэмхэ һууринай, бүхы Түнхэн ай­магай түүхэтэй хүндэтэ ун­шагшадаа һаяар танилсуул­хабди.