922
Буряад уласай элүүрые хамгаалгын яаманай хэблэлэй албанай гэрэл зураг
Буряад уласай элүүрые хамгаалгын яаман уласай наркологиин диспансертэй суг хамта хара тамхинай хуули бусын эрьесэтэй ба хара тамхинтай тэмсэлэй үдэр июниин 23-да үнгэргэнэ. Энэ акци заншалта болонхой.
Хэмжээ ябуулга хүн зониие тус асуудалда анхаралаа хандуулхыень зоригжуулна. Мүн залуушуулай дунда элүүр байдалые дэлгэрүүлхыень уряална. Акциин хабаадагшадые һонирхолтой мүрысөөнүүд хүлеэнэ. Эгээл эдэбхитэйнүүд шагналда хүртэхэ.
1987 оной июниин 26-да ООН-ой Генеральна Ассамблей хара тамхинай хуули бусын эрьесэтэй ба хара тамхинтай тэмсэлэй үдэр байгуулаа. Энэ һайндэр жэл бүри тэмдэглэгдэнэ.
Тус үдэртэ дашарамдуулан уласай аргын эмхинүүд жэл бүри элдэб хэмжээ ябуулгануудые үнгэргэнэ. Энэ жэл “Велопробег против наркотиков” акци, «Мотивационное обслуживание» һуралсалай семинар, “Армия против наркотиков” бүхэроссиин акци түсэблэгдэнхэй.
Уласай нарко-диспансер велоспортдо дуратайшуулые акцида хабаадахыень уряална.
“Юбилейный” паркһаа велопробег эхилжэ, иимэ маршрудаар үнгэрхэ: Тобольская үйлсэ – Строителей гудамжа – Боевая үйлсэ – Бабушкина үйлсэ – Терешкова үйлсэ – Түбэй дэлгүүр – Коммунистическая гудамжа – Зүблэлэй талмай.
Июниин 23-до 11:00 сагта хэмжээ ябуулгын регистраци болохо. 12:00 сагта велопробег эхилхэ. Энэ акци тухай уласай наркологическа диспансертэ 41-90-13 утаһаар хонходожо мэдэхэдэ болоно.
Электронно хаяг: [email protected], В Контакте бүлэгтэ: РНД Велопробег 2018https://vk.com/rndveloprobeg2018
