675
Буряад Уласай ниигэмэй хамгаалгын уласай яаманай хэблэлэй албанай гэрэл зураг
Үншэн хүүгэдэй түбүүдэй хүмүүжүүлэгшэд, дүүргэгшэд эдэбхитэйгээр болбосоролой эмхинүүдтэй танилсана.
Буряад уласай индустриальна техникумай дэргэдэ эхэ эсэгын харууһагүй, үншэн хүүгэдэй эмхинүүдэй хүмүүжүүлэгшэдтэ “Нээмэл үүдэнэй үдэр” гээд хэмжээ ябуулга үнгэргэбэ.
Мүнөөдэрэй һурагшад үглөөдэртөө – ерээдүйн оюутад болохо. Тиимэһээ тэдэнэр «сварщик», «токарь», «проводник», «машинист» мэргэжэлдэ һураха тухай мэдээсэл абаа. Тэдэнэртэ оюутадай ажабайдалһаа гэрэл зурагуудые харуулаа, хотын үйлэдбэриин зургаануудтай хамтын ажал тухай хөөрөө.
Һурагшад һуралсалай газарай багшанарта һонирхоһон асуудалаараа хандаха аргатай байба. Үхибүүд болбосоролой программанууд, һуралсал тухай һуража абаа.
Байгша оной март һараһаа апрель хүрэтэр уласай болбосоролой эмхинүүдэй нээмэл үдэрнүүдтэ үншэн хүүгэдэй эмхинүүдэй дүүргэгшэд хабаадалсаа.
Байгша оной июниин 27-до Улаан-Үдын Зүблэлэй талмайда 16:00 сагһаа эхилээд 19:00 хүрэтэр уласай болбосоролой эмхинүүдэй профориентационно талмайнуудай мэдээсэлэй хүдэлмэри ябуулагдаха. Тус хэмжээ ябуулга Ородой залуушуулай Үдэртэ дашарамдуулагдана.
Мэргэжэлтэ болбосоролой эмхи шэлэхэдээ, интернат һургуули дүүргэгшэд һуралсалай газарнуудай һайн талануудыень сэгнэжэ абаха, өөрын хүгжэлтын арга боломжонуудые хараха болон энэ мэргэжэл саашадаа хайшан гээд ажаябуулгадаа хэрэглэхэ тухайгаа бодомжолжо үзэхэ болоно.
