951
Буряад Уласай Засагай газарай хэблэлэй албанай гэрэл зураг
Байгша оной июниин 30-һаа эхилээд, июлиин 1 болотор үндэһэтэнэй спортивна-соёлой һайндэр “Наадан-Һур харбаан” үнгэрхэ. Тус һайндэр Буряад уласай 95 жэлэй ойн баярта дашарамдуулагдана.
Июниин 30-да Дээдэ Ивалга нютагай Ивалгын дасанай ипподром дээрэ 13:00 сагһаа эхилээд, гайхамшагта мори урилдаан эхилхэ.
Июлиин 1-дэ Улаан-Үдын Түбэй стадиондо спортивна болон соёлой хэмжээ ябуулганууд үнгэрхэ. 12:00 сагһаа эхилээд, залуушуулай бүлэгүүдэй, нэгэдэлнүүдэй, уран бэлигэй болон оюутадай бүлгэмүүдэй дунда “Ёхор наадан” тэмсээн эхилхэ. Тэрэнэй удаа залуушуулай хатарай баттл “Би шамдаа дуратайб, Буряад Улас” ябуулагдаха.
Үглөөнһөө заншалта ёһоороо буряад барилдаагаар “Бүхэ барилдаан”, шатар наадаар “Шатар”, үндэһэтэнэй һур харбалга, һээр шаалган, гиревой спорт, “Абарга” нэрэ зэргын түлөө барилдаан гэһэн мүрысөөнүүд энэ үдэр үнгэргэгдэхэ.
Үдэшэлэн шагнал ябуулагдаха. Харагшад спортивна мүрысөөнүүдые харахаһаа гадна тоглолто болон элдэб һонирхолтой презентаци хараха. Мүн интерактивна программануудта хабаадаха арга бии. Үндэһэтэнэй дэгэл үмдөөд, гэрэл зураг буулгахаһаа эхилээд, буряад һэеы гэр суглуулжа һургаха. Стадион дээрэ эдеэнэй ба унданай дэлгүүр хүдэлхэ.
Үдэшын 20.00 сагта оперо болон баледэй театрай хабаадалгатайгаар һайндэрэй тоглолто эхилхэ. Нааданай түгэсхэлдэ бүхы айлшад хатарай флеш-мобто хабаадаха аргатай.
