1057
Буряадай уласай спортын болон залуушуулай бодолгын яаманай хэблэлэй албанай гэрэл зураг
Мүнөөдэр июниин 27-до, “Маршруты России” гэжэ үндэһэтэнэй ба аяншалгын экспедициин гэшүүдэй хабаадалгатайгаар уласай мүнгэн сангай яаманда дүхэриг шэрээ ябуулагдаа.
Энэ бүхэроссиин ябалганда залуу блогернууд, сурбалжалагшад, үндэһэ яһатанай хоорондохи харилсаанай һалбариин мэргэжэлтэд хабаадалсана.
Гүрэнэй дэбисхэрээр аяншалгаяа тэдэнэр трэвел-шоу болгоохо хүсэлтэй. Зүүн Сибирьһээ түрүүшын маршрудаа тэдэнэр эхилээ. Июниин 25-һаа июлиин 2 болотор эдэбхитэд Үбэр Байгал, Буряад Улас, Эрхүү можо, Байгал далай хүрэхэ. 2-дохи маршрудаар хабаадагшад Башкортостан, Марий Эл улас, Татарстан улас, Удмурт болон Чуваш уласуудые хүрэхэ хүсэлтэй.
Экспедициин хабаадагшад үндэһэтэнэй соёлой хүшөөнүүдые, музей, үзэсхэлэнгүүдые, соёлой түбүүдые, сүмэ хараха түсэбтэй.
“Маршруты России” түсэл Ородой залуушуулай агентствын үүсхэлээр бэелүүлэгдэнэ.
