828
Буряад Уласай ниигэмэй хамгаалгын хэблэлэй албанай гэрэл зураг
Үүдыень шэнэлжэ, богоһыень үгы хээд, “стилобат” маягаар дуган руу орожо болохо арга хэгдээ.
Дээдэ Онгостойн “Хамбын Сүмэ” дасанай Улаан-Үдын Согчен-дуганай байшан руу орохо эрэмдэг зоной хэрэглэдэг хүбөөтэй “харгы”, гэшхүүр бүтээгдэбэ. Эрэмдэг-колясочник зоной нютаг хоорондохи олониитын жаса Ородой Уласай Буддын заншалта Сангхын тэдхэмжэтэйгээр иимэ шэнэлэлтэ хэбэ. Ородой Холбоото Уласай юрэнхылэгшын грантаар энэ түсэл бэелүүлэгдээ.
Энэ мүнгөөр “стилобат” маягаар бүхы дуган тойруулаад, эрэмдэг зоной хэрэглэхэ “харгы” баригдаа, богоһонууд үгы хэгдээ, үүдэн шэнэлэгдэбэ. Буддын шажанай ёһо гурим хэрэглээд, нара зүг дуган руу эрэмдэг зоной орожо болохоор хүбөөтэй харгы хэгдэһэн байна.
“Хамбын сүмэ” дасанай шэрээтэ лама Баяр Аюшеевэй шиидхэбэреэр, бүхы дуганай байшан һэльбэн шэнэлэгдээд, шэрдэгдээд, нээгдэхэ.
