668
Байгша оной июлиин 23-һаа июлиин 25 хүрэтэр Улаан-Үдэ хотодо “Байгал” гэһэн бүхэроссиин техно-фестиваль үнгэрхэ. Эмхидхэгшэдэй хэлэһээр, энэ хэмжээ ябуулгада техническэ шэглэлэй һалбариин шухала асуудалнууд зүбшэн хэлсэгдэхэ. Хэмжээ ябуулгын туршада һуралсалай 3 талмайнууд хүдэлхэ. Техническэ талмайда хабаадагшад роботехникэтэй, 3D программированитай, моделированитай танилсаха. Уран бэлигэй талмайн мэргэжэлтэд хүүгэдые мультипликацида, компьютерна анимацида, 3D моделированида һургаха.
Мүрысөөнэй дүн июлиин 25-да Гремячинск хотодо оршодог “Байкальская Ривьера” аяншалгын баазын дэргэдэ үнгэрхэ. Хэмжээ ябуулгада Улаан-Үдэ, Ангарск, Шэтэ, Тобольск, Усолье хотонуудһаа хүүгэдэй уран бэлигэй түбүүд, һурагшад, оюутад хабаадаха. Бүри тодорхой мэдээсэл aivt@list.ru электрон хаягаар асуухада болоно.
Буряад Уласай залуушуулай бодолгу болон спортын талаар хэблэлэй албанай гэрэл зураг
