673
Сэлэнгэ аймагай Суурхайта нуур буряад уласай эгээл гайхамшагта томо нуурнуудай нэгэн. Нуурай эрьеэр ойн, талын элдэб ногоон урганхай. Суурхайта нуурай эрьедэ энэ зундаа элдэб олон хэмжээ ябуулганууд үнгэрхэ.
Байгша оной июниин 29-дэ залуушуулай хатарай үдэшэ ябуулагдаа. Июлиин 14-дэ 11.00 сагһаа эхилээд, мини-футболоор болон волейболоор хэмжээ ябуулганууд үнгэрхэ. Июлиин 20-21-нэй үдэрнүүдтэ Сэлэнгэ аймагай 95 жэлэй ойн баярта дашарамдуулагдаһан баяр ёһололой хэмжээ ябуулганууд хэгдэхэ.
Энэ зунай эгээл гайхамшагта хэмжээ ябуулгануудай нэгэн - үндэһэ яһатанай хуралдаан “Талын аялга, али һаа хайшан гээд мартагдаһан ёһо заншалнууд һэргээгдэнэб” . Июлиин 20-до, хэмжээ ябуулгын болзор соо 108 морин хууршадай хабаадалгатайгаар “Агууехэ талын – агууехэ аялганууд” тоглолто үнгэргэгдэхэ.
Монголой болон Буряадай суг хамтын оркестр нуурай эрье дээрэ хүгжэм зэдэлүүлхэ. Морин хуур – хүгжэмэй инструмент. Эгээл түрүүн 13-14-дэхи зуун жэлэй монголой бэшэмэл дансанууд соо морин хуур тухай хэлэгдэнэ. Мүнөөдэртөө, морин хуур дээрэ Буряад, Тыва, Хальмаг уласуудай хүгжэмшэд наададаг юм.
Хэмжээ ябуулгын программаар, тоглолтын урда һайндэрэй залуу айлшадта квест наада дурадхаха. Айлшад Сэлэнгэ аймагай байгаалиин элбэг эдеэ хоол амталжа үзэхэ.
Һайндэрэй 2-дохи үдэртэнь, июлиин 21-дэ, “Эрын гурбан наадан” гэжэ гайхамшагта спортивна мүрысөөн ябуулагдаха. Заншалта ёһоороо бүхэ барилдаан, һур харбалга, шагай наадан, һээр шаалган, мори урилдаан хэгдэхэ.
Буряад Уласай аяншалгын яаманай хэблэлэй албанай гэрэл зураг
