834
Ниислэл Улаан-Үдэ хотын хүн зониие ниигэмэй хамгаалгын талаар захиргаан волейболоор мүрысөө үнгэргэһэн байна. Энэ хэмжээ ябуулгада гүрэнэй захиргаанай мэргэжэлтэд хабаадаба. Илагшын шагнал “Чили” бүлэгтэ барюулагдаа.
ВЛКСМ-эй 100 жэлэй ойн баярай хэмжээ ябуулгануудта дашарамдуулан, “СпортZal» спортивна клуб энэ мүрысөө эмхидхэбэ. Турнирай гол зорилгонь – ниигэмэй һалбариин мэргэжэлтэдэй дунда волейбол наада хүгжөөхэ болон элүүр энхэ ябадалда зоригжуулха болоно.
Турнирта хабаадалгын мэдүүлгэ 6 бүлэгһөө бууба. Мүрысөөн бүлэгэй системээр үнгэргэгдөө. Хэмжээ ябуулгын дүнгүүдээр, илагшын шагналда “Чили” бүлэг хүртэбэ. Бүһэтэйшүүлэй дунда эгээл эрхим наадагша гээд хүн зонтой харилсадаг ажалай талаар таһагай ахамад мэргэжэлтэн Түмэн Дондоков, эхэнэрнүүдэй дунда - хэрэгсээгшэдэй албанай мэргэжэлтэн Арюна Васильева нэрлэгдэбэд. “Туһаламжын эрхим бүлэг” нэрэ зэргэ эмхидхэлэй, шэнжэлхы шанарай болон хуули ёһоной ажалай талаар таһагта зүүлгэгдээ. Мүрысөөнэй хабаадагшад, илагшад үнэмшэлгэнүүдээр урмашуулагдаба.
Буряад Уласай ниигэмэй хамгаалгын яаманай хэблэлэй албанай гэрэл зураг
