730
«Урагшаа алхам» гэһэн түсэл 2018 оной июнь һараһаа 2019 оной ноябрь хүрэтэр бэелүүлэгдэхэ.
Буряад Уласта эмхидхэгдэхэ Байгалай хуралдаанай шухала хэмжээ ябуулгануудай нэгэн хадаа эрэмдэг бэетэй үхибүүдые хүмүүжүүлдэг бүлэнүүд болон эрэмдэг бэетэй залуушуулай, болон тэдэнэртэй ажал ябуулдаг мэргэжэлтэдэй бага хурал (форум) болохо. «Урагшаа алхам» гэһэн түсэл Ородой Холбоото Уласай Юрэнхылэгшын грантнуудай жасын мүрысөөндэ илаһан юм.
Сибириин хизаарта Буряад Улас эрэмдэг бэетэй зоной эрхэ хамгаалгын асуудалаар туршалгын талмай болохо юм. «Урагшаа алхам» гэһэн Байгалай ниигэмэй хуралдаан анха түрүүшынхиеэ эмхидхэгдэнэ. Хуралдаанай үедэ эрэмдэг бэетэй хүнүүдтэ туһалагша, ажалтай болохо, эрэмдэг бэетэй зоной гэр байра гэһэн асуудалнуудаар Владимир, Хабаровск, Псков, Москва хотонуудай дүй дүршэл хараха.
Тиихэдэ «Урагшаа алхам» гэһэн түсэлөөр эрэмдэг бэетэй 300 үхибүүд болон залуушуулда ниигэмэй туһаламжа үзүүлэгдэхэ. Анха түрүүшынхиеэ һуралсалай-һорилгын хэшээлнүүд үнгэргэгдэхэ.
