​Түгнын түб дасан шэнэлэгдэһээр

Мухар-Шэбэртэ батаар түбхинэхэм, даажа абаһан дасанаа үргэхын тулада оролдохоб гээд, Түгнын түб дасанай шэрээтын шэрээдэ ёһотоор һууха үедөө, байгша оной апрелиин 29-дэ Вандан Будаев олоной урда дуулгаа бэлэй. За­луу ламбагай хэлэһэн үгэдөө хүрэжэл ябана. Һаяхана Хүсөөтэ нютагай ажаһуугшадай хүсэ оролдолгоор да­санай гол байшанда залгаадаһа баригдаба.

Хүдэр шамбай хүбүүд, тэрэ тоодо мэдээжэ бүхэ Нима-Цырен Нимаев, гадна Баир Раянов, Руслан Балда­нов, Баир Шагдаров, Дамба­дугар Цыбиков, Владимир Доржиев, Саян Доржиев гэгшэд хэдэн үдэрэй турша­да дасан руугаа харгылаа.

Үдын хоол барихаяа байхадань,июлиин 11-дэ Түгнын түб дасан хүрэһэн байнаб. Ажалша хүнэй сэдь­хэл арюун гэдэгтэл, хүдэлжэ байһан хүбүүдые хараад, зосоо наран гараһандал болоно. Илангаяа багаһаа суг өөдөө болоһон нютага­архинтаяа золгоходо, бүри һайшаалтай…

Аймагай Захиргаанай со­ёлой хэлтэсын мэргэжэлтэд дасанай саана һуулгаһан модонуудые уһалхаяа, үтэгжүүлхэеэ ерэһэн бай­гаа. Тус хэлтэсын мэдээ­сэлэй-методическа түбые даагша Сэндэма Цыды­пова тогоошониинь бо­лонхой - эдеэ хоол бэлдэн хөөрсэгэнэжэ байба. Иимэ хүлгөөтэй оршондо ажал ябуулагдаһаар... 

Авторай гэрэл зурагууд