796
Буряад уласай ажаһуугшад августын гурбанһаа ойн жасада орожо, жэмэс, һархяаг һамар түүхэ аргатай болобо. Тиихэдэ тэдэнэр түймэр һэргылхэ бүхы дүримүүдые нягтаар сахиха ёһотой. Тэрэшэлэн ойдо сагдуул модон соо, торфтой газарта, модо унаагаагаад, сэбэрлэгдээгүй газарнуудта түүдэг носоохо хоригдоно.
Буряад уласай дэбисхэртэ түймэрэй аюултай хаһын онсо байдал соносхогдонхой гэжэ һануулнабди. Энээн тухай 2018 оной апрелиин 16-да Буряад Уласай Засагай газарта «Буряад уласай дэбисхэртэ түймэрэй аюултай хаһын онсо байдал соносхохо тухай» гэһэн 198-дахи тогтоол абтаһан байна. Буряад уласай Ойн ажахын агентство 697-дохи захирамжада хубилалтануудые мүнөө оруулна.
Түймэрэй аюултай хаһын онсо байдалай үедэ дүрим эбдэһэн хүнүүд - 4000-һаа 5000 хүрэтэр, албанай тушаалтад - 20 000-һаа 40 000 хүрэтэр, юридическэ нюурнууд 300 000-һаа 500 000 мянган түхэриг хүрэтэр ялада тохогдохо юм.
Түймэрэй гараһан тухай дүтын ажахыда гү, али (3012) 20-44-44 утаһаар дуулгыт гэжэ ойн харуулшад ажаһуугшадта хандана.
