757
Буряадай гүрэнэй ехэ һургуулиин пансионадта июлиин 16-һаа 23 болотор буряад хэлэ шудалха зорилготой хүүгэдэй зунай лагерь эмхидхэгдэбэ.
Буряад Уласай Хяагта, Аха, Түнхэн, Захаамин, Ярууна, Хори, Хэжэнгэ, Хурамхаан аймагуудай, Улаан-Үдын, Үбэр Байгалай хизаарай Агын тойрогой һургуулинуудай шабинар, Буряадай гүрэнэй ехэ һургуулиин оюутад болон багшанар – дүн хамта 32 хүн зунай лагериин ажалда хабаадаба. Буряад хэлэнэй, уран зохёолой уласай олимпиаданууд болон «Уран гуурhан» гэһэн зохёохы бэлигэй мүрысөөнүүдтэ амжалта туйлаһан үхибүүд Байгалай эрьедэ зунай налгай үдэрнүүдые үнгэргэбэ.
Хэшээлнүүдые үнгэргэхэеэ Монгол гүрэнэй болон Улаан-Үдын мэргэжэлтэд уригдаһан байна гэжэ тэмдэглэлтэй.
Үхибүүд лекцинүүдые шагнажа, хэшээлнүүдтэ хабаадажа, буряад хэлэнэй болон монгол туургата арадуудай түүхэ, соёл шудалалгын бэрхэтэй асуудалнууд, яажа оршуулгануудые хэхэб, хүтэлбэрилхы бэлиг талаан хүгжөөлгэ болон бусад һонирхолтой хэмжээ ябуулгануудта хабаадаа.
Байгалай эрьедэ амарха үедөө, һурагшад оюутадтай хамта мүнөө үедэ буряад болон монгол хэлэ шудалалгын орёо асуудалнуудтай танилсаба.
Буряад Уласай болбосоролой болон эрдэм ухаанай яаманай хэблэлэй албанай гэрэл зураг
