956
Буряад Уласай Хойто-Байгалай аймагта Северобайкальск-Кичера-Новый Уяон харгыда Душкачанка гол дээгүүр хүүргэ ашаглалгада тушаагдаба.
Модоор баригдаһан хүүргэ хэдэн жэлэй саана һандарһан байна. 29 метр утатай шэнэ хүүргэ барилгада 35,7 сая түхэриг һомологдоо. Хизаарламал харюусалгатай «Фундамент» бүлгэм барилгын ажал 2016 онһоо 2018 оной июль һара болотор ябуулаа.
Буряад Уласай Толгойлогшо Алексей Цыденов хүүргэ нээлгын баяр ёһололдо болзорһоо урид ажалаа дүүргэһэндэнь, барилгашадта баяраа мэдүүлбэ.
- Хойто-Байгалай аймагта 5 хүүргэ заһабарилгадаа, шэнээр баригдаа. Тэдэнэй 3-ниинь ашаглалгада тушаагдаба. Харгы асфальтаар хушаха тухай аймагай хүтэлбэрилэгшэтэй хөөрэлдөөбди. Хойто-Байгалай аймагта асфальт хэхэ өөһэдын завод хэрэгтэй, - гэжэ уласай хүтэлбэрилэгшэ хэлэһэн байна.
Буряад Уласай Транспортын, элшэ хүсэнэй болон харгын ажахы хүгжөөлгын яаманда мэдээсэһэнэй ёһоор, Хойто-Байгалай аймагта Агней, Вьюшенка, Душкачанка голнууд болон Новый Уоян һууринһаа хорёод модоной зайда урдадаг горхон дээгүүр хүүргэнүүд баригдаа.
Буряад Уласай Засагай газарай хэблэлэй албанай гэрэл зураг
