1010
Буряад Уласай Толгойлогшо Алексей Цыденов августын 24-дэ албанай хэрэгээр Северобайкальск хото гараба.
Северобайкальск хотодо үмхирһэн, хуушарһан гэрнүүдһээ хүнүүд зөөжэ гаража, хуушан байарнь хуу задалагдаа.
- Хойто жэлэй апрель һара болотор үмхирһэн хуушан гэрнүүдэй үлэгдэлнүүдые арилгажа, гаргаха болонобди, - гэжэ Алексей Цыденов хэлэбэ.
Удаань уласай хүтэлбэрилэгшэ хотын түбэй котельни хүрэжэ, хэрэглэгдэхэ болзорһоо гараһан сорго заһабарилха тухай шиидхэбэри абтаа. Заһабарилгын ажалда 35 сая тухай түхэриг хэрэгтэй.
- Энэ ажалда мүнгэн һомологдоо, заһабари эхилхэмнай. Заһабарилгын ажал хоёр шатада хэгдэхэ. Дулаагаар хангаха хаһын эхилтэр заһабарилга эхилээд, гол ажалнууд хойто жэлдэ хэгдэхэ. Тиихэдэ коллектор заһабарилгада 11 сая түхэриг һомологдоо. Намарай, үбэлэй хаһада дулаагаар таһалдуулангүй, найдамтайгаар үнгэргэгдэхэ талаар ажал ябуулагдана, - гэжэ Алексей Цыденов хэлэбэ.
Тиихэдэ Северобайкальск хотодо хашагай энцефалит үбшэ шэнжэлхэ лаборатори үгы. Энэ асуудалаар Буряад Уласай Толгойлогшо Алексей Цыденов зүбшэн хэлсэһэн байна.
- Хашагта хазуулхаад, тэрэнь энцефалит үбшэ халдахаага гү гэжэ гэжэ шэнжэлхын тула Улаан-Үдэ туршалгануудые эльгээхэ хэрэгтэй. Тиихэдэ 72 часай туршада шэнжэлгэ хэгдэхэ ёһотой. Энэнь баримталагданагүй. Тиимэһээ Северобайкальск хотодо шэнжэлхэ лаборатори байнгуулха тухай шиидхэбэри абтаа, - гэжэ Алексей Цыденов хэлэбэ.
Буряад Уласай Засагай газарай хэблэлэй албанай гэрэл зураг
