786
Буряад Уласай Толгойлогшо Алексей Цыденов августын 25-26-да албанай хэрэгээр Муя аймаг гаража, дулаасуулгын хаһада бэлэдхэл хэр зэргэ ябуулагданаб гэжэ шалгаба.
Северомуйск һууринда 2015 ондо ашаглалгада тушаагдаһан котельнидэ уласай хүтэлбэрилэгшэ Алексей Цыденов хүрэһэн байна. Энэ котельни Северомуйск һууринай олон байратай гэрнүүд болон ниигэмэй хангалгын байгууламжын объектнүүдые дулаагаар хангана. Дулаагаар хангалгын туһаламжын шанар дээшэлүүлхэ талаар котельнидэ дулаанай һужаа һэльбэн шэнэдхэхэ гэжэ түсэблэгдэнхэй. Тиихэдэ Северомуйск һууринай үшөө нэгэ СМП-597 котельни һэльбэн шэнэдхэхэ хэрэгтэй. Удаань уласай хүтэлбэрилэгшэ Таксимо һууринай хизаарламал харюусалгатай «Икибзяк» бүлгэмэй котельнидэ хүрэһэн байна.
“Буряад Уласай Муя аймагта 2018-2019 онуудай үбэлэй хаһада бэлэдхэлдэ 34 сая түхэриг һомологдоо. Тэрэнэй 6 саянь Северомуйск һууринай котельнинуудые заһабарилгада дамжуулагдаха. 4,5 сая түхэриг хойто аймагуудай дулдаагаар хангалгын һужаануудай схемэ заһабарилгада дамжуулагдаха. Муя аймагай котельнинууд үбэлэй хаһада бэлэн”, - гэжэ Алексей Цыденов хэлэбэ.
Буряад Уласай Толгойлогшо Алексей Цыденов болон Засагай газар аймаг дотор дулаагаар хангалгын объектнүүдэй һэльбэн шэнэдхэлгэ хинана гээд тэмдэглэлэтэй.
Муя аймагай түбтэ Алексей Цыденов урадхуул уһанай сэбэрлэлгын станци болон модо үйлэдбэриин хизаарламал харюусалгатай «Артель старателей «Западная» бүлгэмдэ хүрэһэн байна. Таксимо һууринай уһа сэбэрлэлгын станцида эрье бүхэлхэ талаар ажал ябуулха хэрэгтэй. Тиихэдэ Алексей Цыденов Северомуйск һууринай ажаһуугшадтай уулзажа, ниигэмэй удха шанартай эмхинүүдтэ хүрэһэн байна.
