1519
Буряад Уласай Муя аймагай хүтэлбэрилэгшын тушаалда гурбан хүн зууршалжа, һунгалта үнгэргэгдэбэ.
Августын 28-да хүтэлбэрилэгшын тушаалда зууршалагдаха хүнүүдые шэлэн абалгын комиссида аймагай 7 болон Буряад Уласай Засагай газарай 5 түлөөлэгшэ ороһон байна. Комиссиин шиидхэбэреэр, Муя аймагай засаг даргын тушаалда хоёр хүн дэбжүүлэгдээ. Эдэнэр хадаа, Муя аймагай хүтэлбэрилэгшын уялга дүүргэгшэ Андрей Козлов болон Таксимо һууринай зайн галаар хангалтын дистанциин дарга Сергей Попов гэгшэд болоно.
Муя аймагай һунгамалнуудай зүблэлэй сесси августын 29-дэ эмхидхэгдэжэ, тушаалда зууршалагшад һунгуулиин программануудтаяа танилсуулаа. Һунгамалнуудай нюуса дуугаар, Муя аймагай засаг даргын болон аймагай захиргаанай хүтэлбэрилэгшын тушаалда 5 жэлэй болзорто Андрей Козлов һунгагдаа.
Мэдээсэл:
«Муяын аймаг» гэһэн нютагай засагай байгууламжын һунгамалнуудай зүблэлэй 2018 оной июлиин 31-нэй шиидхэбэреэр, Федеральна болон Буряад Уласай «Буряад Уласай нютагай өөһэдын хүтэлбэриин эмхидхэл тухай» гэһэн хууляар, «Муяын аймаг» гэһэн нютагай засагай байгууламжын хүтэлбэрилэгшэ, тэрэниие һунгаха талаар зууршалагшадые шэлэн баха мүрысөө эмхидхэгдээ. Аймагай һунгамалнууд болон Буряад Уласай Засагай газарай түлөөлэгшэд засаг даргын тушаалда зууршалагшадые шэлэн абажа, «Муяын аймаг» гэһэн нютагай засагай байгууламжын һунгамалнуудай зүблэл засаг даргын һунгаха талаар шиидхэбэринүүдые абана.
Буряад Уласай Засагай газарай хэблэлэй албанай гэрэл зураг
