948
Ородой Холбоото Уласай пенсиин хуулиин хубилалтануудай ёһоор, Буряад Уласта 55 наһатай эхэнэрнүүдтэ болон 60 наһатай эрэшүүлдэ хүнгэлэлтэнүүд болон һара бүхэнэй мүнгэн түлэгдэһөөр байха. Энээн тухай хуулиин түсэл «Ниитэ нэгэ Росси» намай һунгамалнууд Арадай Хуралай ээлжээтэ сессидэ оруулһан байна.
Хуулиин түсэл бэлдэгшэдэй хэлэһээр, 55 наһа хүрэһэн эхэнэрнүүд болон 60 наһатай эрэшүүлдэ ниигэмэй тэдхэмжэ үзүүлхэ талаар ажал гуримшуулха зорилготой түсэл бэелүүлэгдэнэ. Эдэ хүнүүдтжэ уласай бюджетһээ үзүүлэгдэдэг тэдхэмжэдэ хүртэхэ эрхэ бүри мүһэн үлээхэ тухай һунгамалнууд дурадхана. Энэ хуулиин түсэлдэ Буряад Уласай ажалай ветеранууд тухай хэлэгдэнэ. 55 наһа хүрэһэн эхэнэрнүүд болон 60 наһатай эрэшүүл апрелиин 1-һээ октябриин 31 болотор электричкээр ябахадаа, улас дотор самолёдоор ниидэхэдээ, түлбэриин хахад сэнгыень түлэхэ гэһэн хүнгэлэлтэнүүд хубилагдахагүй.
Хуулиин түсэл бэелүүлхын тула Буряад Уласай 899 дугаарай -Ш «Буряад Уласай гүрэнэй засаг зургаанай зарим тэды бүрин эрхэ тухай», 2291 дугаарай-IV «Буряад Уласай ажалай ветеранууд тухай», 1198 дугаарай -1У «Буряад Уласай Бабанта аймагта агаарай замаар ниидэхын түлөө түлбэриин талаар ниигэмэй тэдхэмжэ тухай» гэһэн хуулинуудта хубилалтануудые оруулха хэрэгтэй. Тэрэшэлэн уласай 1047 дугаарай-Ш «Буряад Уласай дэбисхэртжэ ажалай һуурин, хүдөө нютагуудта ажаһуудаг мэргэжэлтэдтэ коммунальна хангамжын түлөө түлбэриин талаар ниигэмэй тэдхэмжэ үзүүлхэ талаар гаргашыень хүсэлдүүлхэ, гурим, хэмжээн тухай» гэһэн хуулида баһал хубилалата оруулха хэрэгтэй. Тиихэдэ Буряад Уласай дэбисхэртэ ажалай һуурин, хүдөө нютагуудта 10 жэлһээ доошо бэшэ жэлнүүдтэ хүдэлжэ, 25 жэлһээ доошо бэшэ туршада элүүрые хамгаалгын эмхинүүдтэ эмнэлгын туһа хүргэһэн хүдэлмэрилэгшэдтэ гэр байрын-коммунальна хангамжын түлөө түлбэриин талаар ниигэмэй тэдхэмжэ тэрэл шэгээрнь орхихо гэжэ хараалагдана. Үшөө тиихэдэ 25 жэлһээ доошо бэшэ хугасаада хүдөө нютагуудта багшалһан хүнүүдтэ гэр байрын-коммунальна хангамжын түлөө түлбэриин талаар ниигэмэй тэдхэмжэ үлээхэ тухай хэлэгдэнэ. Бүхы актнуудта, хуулинуудта «пенсионернүүд» гэһэн үгэ «55 наһа хүрэһэн эхэнэрнүүд, 60 наһа хүрэһэн эрэшүүл, хүнгэлэтэгүй эрхэтэд» гэһэн ойлгосоор һэлгэгдэхэ.
Хуулиин энэ түсэлдэ нэмэлтэ мүнгэн гаргашалагдахагүй. Юундэб гэхэдэ, хуулиин түсэл бэелүүлхэ мүнгэн Буряад Уласай 2019 он болон түсэблэлгын 2020-2021 онуудай бюджедтэ хараалагданхай.
Ниигэмэй тэдхэмжэ үзүүлхэ талаар хүнгэлэлтэгүй ажалай ветеранууд болон пенсионернүүдтэ 2019 ондо 922,1 сая түхэриг хараалагданхай. 2020, 2021 онуудта - жэлэй908,6 сая түхэриг түсэблэгдэнхэй.
Буряад Уласай ажалай ветерануудта ниигэмэй тэдхэмжэ үзүүлхэ талаар 2019 ондо 8061 мянган түхэриг хараалагданхай. 2020-2021 онуудта жэлэй 8015 мянган тхэриг түсэблэгдэнхэй. Буряад Уласай Бабанта аймагта агаарай замаар ниидэхэ түлбэриин түлөө ниигэмэй тэдхэмжэ үзүүлхэ талаар 2019 ондо 135,6 мянган түхэриг хараалагданхай, 2020-2021 онуудта жэлэй 132,1 мянган түхэриг түсэблэгдэнхэй. Хүдөө нютагуудта хүдэлдэг болбосоролой болон эмнэлгын һалбариин хүдэлмэрилэгшэдэй коммунальна хангамжын түлөө түлбэриин хүнгэлэлтэнүүдтэ 2019 ондо -211,2 сая түхэриг, 2020-2021 онуудта жэлэй 208,5 сая түхэриг хараалагданхай.
