1130
Буряад Уласай Хүдөө ажахын болон хоол хүнэһэнэй яаман Улаан-Үдэ хотын Захиргаантай суг хамта сентябриин 29-30-да “Алтан намар” гэһэн уласай хүдөө ажахын үзэсхэлэн-наймаа эмхидхэнэ.
Хямда сэнгээр намарай баян ургасын хэшэгһээ хүртэхэ гэбэл, “Фабричный маркет” гэһэн худалдаа наймаанай түб (“Фабрика кино” буудал, Сахьяновагай гудамжын 7 “б” гэр), “Стимул” дэлгүүр (Иволгинская, 5), “Туяа” худалдаа наймаанай түб (Ключевская, 39б), “Крестьянский” худалдаа наймаанай түб (Тулаева, 108) ошохо хэрэгтэй.
Уласаймнай хүдөө ажахын, эдеэ хоол үйлэдбэрилдэг эмхинүүд, эд хэрэглэлгын хамжаанууд, сэсэрлиг ургуулдаг бүлгэмүүд, үмсын хамһабариин ажахынууд үрэ бүтээлнүүдээ дурадхаха: хартаабха болон газарай бусад эдеэ, алим жэмэстэ модохонуудые, жэмэсүүдые, хээрын ургамалнуудые, зүгын бал, алим жэмэсэй болон газарай эдеэнэй консервнүүдые...
Үзэсхэлэн-наймаанда хабаадаха, мүн нютагайнгаа хүдөө ажахын үйлэдбэрилэгшэдэй үрэ бүтээл хямда сэнгээр худалдан абаха дуратай хүнүүдые уринабди.
Холбоо бариха утаһан: 8(3012)55-30-06.
