846
Байгша оной октябриин 26-да уласай бизнес-инкубаторта ажалай болон һуралсалай һууринуудай яармагта 4 мянганһаа дээшэ хүн хабаадаа. Тэрэнэй дүнгүүдээр, 900-һаа дээшэ хүниие ажалда орохоһоо урид танилсажа хөөрэлдэхэеэ уриһан байна. Ажаһуугшадые ажалаар хангалгын түбэй эмхидхэһэн хэмжээ ябуулгада үйлэдбэринүүд ажалай 2,6 мянган һууринуудые дурадхаа.
Тиихэдэ 2018-2019 һуралсалай жэлдэ һургуули дүүргэхэ мянганһаа дээшэ үхибүүд хэмжээ ябуулгада ерэжэ, болбосоролой эмхинүүдэй түлөөлэгшэдтэ хандаһан байна. Тэдэнэр «Маршрут успеха» гэһэн квестдэ хабаадажа, ажалай мэргэжэлнүүдтэй танилсаа. Улаан-Үдын 4 һургуулиин шабинарай команда нааданда хабаадажа, 9-дэхи дунда һургуулиин «Медведи» бүлгэм эрхимлэбэ.
Улаан-Үдын авиационно завод, Налог татабариин федеральна албанай хүтэлбэри, «Бурятхлебпром», «Бурятмяспром», Улаан-Үдын стальмост, «Николаевский» агрохолдинг, Дотоодын хэрэгүүдэй яаман, Байгалай бүд үйлэдбэриин компани, «Байкалнефтепродукт» болон бусад, хамта 86 үйлэдбэри, яармагта ажал дурадхаһан байна.
Тиихэдэ ажалтай болохо гэжэ ябаһан хүнүүд «Ород гүрэн дотор ажал хүдэлмэри» гэһэн бүхэроссиин ажалай һууринуудай банктай, «SKILLSNET» гэһэн ниитэ сүүлжээнтэй танилсаха аргатай байгаа.
