798
Буряад Уласай болбосоролой болон эрдэм ухаанай яаманай үүсхэлээр улас дотор найруулгануудай бүхэроссиин мүрысөөнэй шата үнгэргэгдэбэ. Энэ хэмжээ ябуулга ВЛКСМ-эй байгуулагдаһаар 100 жэлэй ойдо зорюулагдаба. Бүхэроссиин мүрысөөнэй уласай шатада дунда һургуулинуудай, дунда мэргэжэлтэй болбосоролой болон дээдэ һургуулинуудай 29 һурагшад болон оюутад хабаадаа.
Бүхэроссиин мүрысөөнэй уласай шатада Улаан-Үдын 49-дэхи һургуулиин 10-дахи ангиин һурагша Бато Цырендоржиев гурбадахи һуури эзэлжэ, Буряад Уласай болбосоролой болон эрдэм ухаанай яаманай дипломоор шагнагдаба. 2-дохи һуури Буряадай гүрэнэй дээдэ һургуулиин 3-дахи курсын Анастасия Гончарук эзэлбэ. Түрүүшын һуурида Улаан-Үдын 59-дэхи һургуулиин 11-дэхи ангиин һурагша Сергей Боярчуков хүртэбэ. Буряад уласай спортын болон залуушууулай бодолгын талаар яаман найруулгануудай мүрысөөндэ илагшада хүүгэдэй бүхэроссиин «Океан» түб ошохо путёвко бэлэглээ.
