795
Байгша оной ноябриин 2-то Ородой Холбоото Уласай можо нютаг бүхэндэ “Арадуудай һуудал байдалай сэдэбээр ехэ диктант” (“Большой этнографический диктант”) гэһэн бүхэроссиин хэмжээ ябуулга эмхидхэгдэхэ. Юрэнхылэгшын грантнуудай жасын дэмжэлгээр тус хэмжээ ябуулга гурбадахияа үнгэргэгдэхэнь.
Ажаһуугшаднай Ородой Холбоото Уласай арадуудай байдал тухай хэр зэргэ мэдэсэтэйб гэжэ диктантда сэгнэгдэхэ. Тиихэдэ яһатанууд хоорондоо эбтэй байха, хани барисаа бэхижүүлхэ талаар зорилго бэелүүлэгдээ. Гадна диктантын ашаар бусад арадуудай байдал тухай мэдэсэ шалгахаһаа гадуур - этнографида болон яһатанууд тухай гүрэнэй бодолго бэелүүлгын шухала асуудалнуудта анхарал хандуулагдана.
Ородой Холбоото Уласай болон хари гүрэнүүдэй ажаһуугшад наһанай хизаарлалтагүйгөөр, ород хэлэ мэдэхэ байбал, хэмжээ ябуулгада хабаадаха аргатай. Диктант 30 асуудалһаа бүридэхэ, 25 минутын туршада хабаадагшад даабари дүүргэхэ болоно.
Улаан-Үдэдэ хэдэн талмайда хэмжээ ябуулга эмхидхэгдэхэ:
- Ленинэй гудамжада оршодог Буряад Уласай арадуудай эб найрамдалай гэртэ - үглөөнэй 10 сагта;
- Ленинэй гудамжада оршодог И.К. Калашниковай нэрэмжэтэ хотын номой санда - үдэрэй 14 сагта;
- Ербановай гудамжада оршодог Үндэһэтэнэй номой санда - үглөөнэй 11 сагта;
- Буряадай гүрэнэй ехэ һургуулида – үдэрэй 13 сагта;
- Трубачеевай гудамжада оршодогМ.Н. Ербановай нэрэмжэтэ аграрна колледждо - үглөөнэй 10 сагта.
Тиихэдэ Буряад Уласай Загарай, Байгал шадарай, Ивалга, Кабанск аймагуудай ажаһуугшад диктант бэшэхэ аргатай. Ерэжэ диктант бэшэхэ аргагүй һаа, “Арадуудай һуудал байдалай сэдэбээр ехэ диктантын” сайтда орожо, онлайн-тестировани гараха арга олгогдоно. Диктантын дүнгүүд 2018 оной декабриин 12-то “Арадуудай һуудал байдалай сэдэбээр ехэ диктантын” сайтда толилогдохо.
Буряад Уласай Толгойлогшын болон Засагай газарай захиргаан хэмжээ ябуулга үнгэргэнэ. Удмурт Уласай яһатануудай хэрэгүүдэй талаар федеральна агентство яһатануудай бодолгын яаман диктант эмхидхэнэ. 2017 онһоо хойшо “Арадуудай һуудал байдалай сэдэбээр ехэ диктант” уласхоорондын хэмжээндэ үнгэрнэ. Киргизи, Таджикистан, Молдова болон бусад уласууд диктант бэшэлгэдэ хабаадана.
Үнгэрһэн жэлдэ Ородой Холбоото Уласта болон хари гүрэнүүдтэ 367 мянган хүн диктант бэшээ. Буряад Уласта 400-гаад хүн хабаадаа.
8-(3012)-21-40-36 гэһэн утаһаар хэмжээ ябуулга тухай мэдээсэл абахада болоно.
Буряад Уласай Засагай газарай мэдээсэлэй албанай гэрэл зураг
