​​Буряад хэлэнэй үдэрнүүд

Буряад хэлэнэй габшагай һарын хэмжээндэ Бу­ряадай гүрэнэй ехэ һургуулида жэл бүхэндэ та­бан үдэрэй туршада буряад хэлэнэй һайндэр үнгэргэгдэдэг заншалтай юм.

Энэшье удаа Буряад хэлэ сахин хүгжөөлгын түб, буря­ад болон эвенк хэлэнүүдэй тэнхим ехэ һургуулиин бүхы таһагуудай оюутадай хабаадалгатай хэмжээ ябу­улгануудые эмхидхэбэ. “Эр­хим диктант”, “Фонетикын харалган”, “Буряад хэлэнэй һайндэр” гэһэн интерактив­на талмай оюутадай болон юрэ ажаһуугшадай хоорон­до үнгэргөө. Ехэ һургуулиин номой сангай дэргэдэ бу­ряад хэлэ ба уран зохёолой эрдэмэй хүдэлмэринүүдэй үзэсхэлэн дэлгэгдээ.

Хоёрдохи жэлээ мэдээ­жэ доцентнүүд ба профессорнүүд олон шэглэлээр лекцинүүдые буряад хэлэн дээрэ уншаба. Дамба-Даржаа Заяевай нэрэмжэтэ “Даша Чойнхорлин” гэжэ буддын шажанай ехэ һургуулиин ректор Дымбрыл багша “Бу­ряад хэлэнэй ерээдүй” гэһэн элидхэл хэбэ.

“Пионер” гэһэн худал­даа наймаанай-зугаасал­гын түбэй дэргэдэ буряад хэлэнэй һайндэр эмхидхэ­жэ, Улаан-Үдэ хотын дунда һургуулиин һурагшад хабаа­дуулагдаа.

Мүнөө жэл “Эрхим дик­тант” мүрысөөн дунда мэргэжэлэй болон дээдэ һургуулинуудай оюутадай хоорондо үнгэрөө. “Буряада­араа уншая” гэһэн мүрысөөн можо хоорондын хэмжээн­дэ үнгэржэ, Буряадай ехэ һургуулиин, Зүүн Сибири­ин соёлой академиин болон Эрхүүгэй ехэ һургуулиин оюутад хабаадаа. Буряад хэлэ зааха онол аргануудай асуудалаар урилдаан эхин ангинуудай багшанарай ха­баадалгатайгаар үнгэрөө. Энэ семинар-һуралсалда Заха­амин, Ярууна, Хэжэнгэ, Хори, Ивалга, Сэлэнгэ, Зэдэ, Хяагта, Хурамхаан аймагуудһаа болон Улаан-Үдын һургуулинуудай хамта дээрээ 55 багша хабаа­даа. Мүн “Залуу сэтгүүлшэнэй һургуули” хүдэлһэн байха юм.