​ХАРАА БОДОЛОО ТОДОРХОЙЛХО

Буряадай гүрэнэй ехэ һургуули буряад хэлэнэй хуби заяа хараалhан ху­ралдаа 2-дохи удаагаа эмхидхэнэ. Эгсэ 10 жэлэй са­ана түрүүшын хуралдаан үнгэржэ, буряад хэлэнэй хүгжэлтэдэ тон ехэ түлхисэ үгэһэн юм. Ээлжээтэ хурал­даан энэ удаа “Буряад хэлэн 21-дэхи зуун жэлдэ” гэһэн гаршаг доро үнгэрхэ.

“Буряад хэлэнэй стра­теги” байгуулха тухай гэжэ шиидхэгдээд, мүнөө ажал ябуулагдана. Хоёрдохи хурал­даанай үедэ тэрэ баталагдан абтаха ёһотой. Стратегидэ оруулагдаһан хэмжээнүүд заатагүй бүтээгдэхэ эрил­тэтэй, хуулиин ёһоор хүсэ ехэтэй. Тус данса хэдэн шэглэлээр хубаарилагдаха, жэшээнь, буряад хэлэ хүүгэдэй сэсэрлигһээ дунда һургуули хүрэтэр заалга, буряад хэ­лэнэй хүгжэлтэдэ ниитэ эмхинүүдэй, олондо мэдэ­эсэлгын хэрэгсэлнүүдэй, түрэлхидэй хорооной үүргэ болон хэлэнэй бодолго ба хүтэлбэри гэхэ мэтэ асуудал­нууд табигдана. Засаг түрын хабаадалга шухала. Засагнай буряад хэлэнэй хүгжэлтын асуудалаар ямар хараа бодол­той гээшэб гэжэ мэдэхэ хэ­рэгтэй. Эндэһээл бүхы юумэн дулдыдана.

Багшанар буряад хэлэ заахаһаа хажуугаар хуулияа мэдэхэ, засаг түрын урда бу­ряад хэлэ хүгжөөлгын эрилтэ табижа һураха шухала. Баг­шанараа иимэ шадабаритай болгобол, байдал һайжарха. Буряад хэлэнэй багшанар ха­даа буряадай ерээдүйн нии­гэмэй түрүү зон, элитэ гээшэ.

Александр ЕЛАЕВ, түүхын эрдэмэй доктор