849
«Буряад хэлэн XXI зуун жэлдэ» гэһэн буряад хэлэнэй уласхоорондын хурал гэһэн буряад хэлэнэй уласхоорондын хурал эмхидхэгшэд ба хабаадагшад!
“Арад түмэнэй хэлэн бол бидэнэй эгээл ехэ ба барашагүй булаг,” – гэжэ уран зохёолшо ба угсаатанай зүй шудалааша Владимир Даль хэлэһэн байдаг. 53 жэл соо нэбтэрхы толи зохёоһон тэрэ имагтал ород хэлэн тухай хэлээ бэшэ, харин Ород гүрэндэ эбтэй эетэй ажаһуудаг бүхы арадуудай хэлэнүүд тухай хэлэһэн ааб даа.
Буряад хэлэн – тэдэ олон хэлэнүүдэй нэгэн. Буряад хэлэнэй хүгжэлтын гол шухала асуудалнуудые хэлсэжэ гаргаха гээшэ – Байгалай газар дэбисхэртэ ажаһуудаг бидэ бултанда ехэ удха шанартай.
Шэтэ можо ба Агын Буряадай автономито тойрог нэгэдүүлжэ байгуулһан Үбэр Байгалай хизаарта энэ илангаяа шухала юм. Буряад хэлэнэй ба уран зохёолой манай багшанарта Эрхүү можын ба Буряад Уласай болбосоролой эмхи зургаануудта заажа байһан түрүү арга зүй ба ашаг үрэтэй технологинууд тон туһатай. Тиихэдэ манай багшанар баһал ехэ дүршэлтэй болоһон, тэдэнэр 2030 он болотор буряад хэлэнэй хүгжэлтын стратеги зүбшэн хэлсэхэдэ, туһа нэмэриеэ оруулха бэлэн байна.
Хуралда оролсогшодой ажалда амжалта хүсэнэб ба ашаг үрэтэй шиидхэбэри гаргахыень хүсэнэб!
Үбэр Байгалай хизаарай амбан захирагшын үүргэ саг зуура гүйсэдхэгшэ А.М. ОСИПОВ
