713
Буряад Уласта байгша ондо «Болбосон түхэлтэй хотын оршон» гэһэн түсэл олон байратай гэрнүүдэй шадар 125 болон олониитын 99 газарта бэелүүлэгдээ.
Заһабарилгын ажалда 220 саяһаа дээшэ түхэриг һомологдоһон байна. Тэрэнэй 205 сая түхэригынь – федеральна бюджетһээ. Тиихэдэ хотын паркнуудые заһабарилгада нэмэлтэ 1,594 сая түхэриг һомологдоо. «Болбосон түхэлтэй хотын оршон» гэһэн түсэлдэ 104 һуурин хабаадаа. 2017 ондо 25 һуурин хабаадаһан байна.
Буряад Уласай Захаамин, Хори, Мухар-Шэбэр, Ивалга аймагуудта ажаһуугшадай амарха, сүлөө сагаа үнгэргэхэ шэнэ газарнууд нээгдээ. Улаан-Үдэдэ Карл Марксын бульвар шэнэлэгдээ. Захаамин хотодо шатар наадаха талмай, фонтан, хүүгэдэй талмай, ябаган харгын тусхай газар нээгдээ. Хори һууринда Геройнуудай дурасхаалай хүшөө табигдаа. Мухар-Шэбэртэ - бага Арбат, Ивалгада гар бүмбэгэ наадаха талмай нээгдэһэн байна.
2019 онһоо хойшо «Гэр байра болон хотын оршон» гэһэн үндэһэтэнэй түсэлэй хэмжээндэ оршон тойронхи заһабарилагдажа, 2024 он болотор түсэл бэелүүлэгдэхэ. Зургаан жэлэй туршада энэ ажалда Буряад Уласта 1,5 миллиардһаа дээшэ түхэриг һомологдохо. Буряад уласта хүн зоной амарха мянганһаа дээшэ газар заһабарилагдаха түсэбтэй.
2019 ондо Буряад Уласта федеральна бюджетһээ заһабарилгын ажалда 300 саяһаа дээшэ түхэриг һомологдохо. «Гэр байра болон хотын оршон» гэһэн үндэһэтэнэй түсэл бэелүүлгэдэ уласай ажаһуугшад хабаадаха аргатай.
Анна Огороднигой гэрэл зураг
